പെരിന്തല്‍മണ്ണ:മമ്മൂട്ടി നായകനായ മെഗാഹിറ്റ് ചിത്രം ‘മധുരരാജ’ തീയറ്ററില്‍ നിന്നും പകര്‍ത്തിയ പതിനാലുകാരന്‍ പിടിയില്‍.മലപ്പുറം പെരിന്തല്‍മണ്ണയിലെ തിയേറ്ററിലാണ് സംഭവം. പതിനാലുകാരന്‍ സിനിമ മൊബൈലില്‍ പകര്‍ത്തുന്നതിനിടെ മമ്മൂട്ടി ഫാന്‍സിന്റെ ശ്രദ്ധയില്‍പ്പെടുകയായിരുന്നു. ഉടന്‍ ഇവര്‍ പോലീസിനെ അറിയിക്കുകയായിരുന്നു. അതിനിടെ കൗമാരക്കാരന്‍ ഫോണില്‍ 50 മിനിറ്റ് സിനിമ പകര്‍ത്തിയിരുന്നു.
മിക്ക മലയാളം തമിഴ് ചിത്രങ്ങളും റിലീസാകുന്ന ദിവസം തന്നെ ഇന്റര്‍നെറ്റില്‍ പ്രത്യക്ഷപ്പെടാറുണ്ട്. ഇത് ഏറെ നാളായി സിനിമാ വ്യവസായം നേരിടുന്ന ഒരു പ്രതിസന്ധിയാണ്.കൂടാതെ തീയറ്ററുകളില്‍ നിന്ന് സിനിമയിലെ രംഗങ്ങള്‍ പകര്‍ത്തി സമൂഹമാധ്യമങ്ങളില്‍ പ്രചരിപ്പിക്കുന്നതും പതിവാകുന്നതും സിനിമയെ നെഗറ്റീവായി ബാധിക്കാറുണ്ട്.
