പത്തനംതിട്ട:പത്തനംതിട്ട ലോക്‌സഭാ മണ്ഡലത്തിലെ എന്‍ഡി എ സ്ഥാനാര്‍ത്ഥി കെ.സുരേന്ദ്രന് വേണ്ടത്ര പരിഗണന നല്‍കാതെ എല്‍ഡിഎഫ് സ്ഥാനാര്‍ത്ഥി വീണാ ജോര്‍ജിനെ വെള്ളാപ്പള്ളി അനുഗ്രഹിച്ചതിനെതിരെ പ്രതിഷേധം.തിരുവല്ലയില്‍ എസ്എന്‍ഡിപി കണ്‍വെന്‍ഷന്‍ വേദിയിലാണ് എസ്എന്‍ഡിപി പ്രവര്‍ത്തകര്‍ ശരണം വിളിച്ച് പ്രതിഷേധിച്ചത്.വേദിയില്‍ ആദ്യമെത്തിയ കെ .സുരേന്ദ്രനെ വേണ്ടത്ര പരിഗണിക്കാതെ പരിപാടി അവസാനിക്കാറായ സമയത്ത് എത്തിയ വീണാ ജോര്‍ജിനെ വെള്ളാപ്പള്ളി നടേശന്‍ തലയില്‍ കൈവച്ച് അനുഗ്രഹിച്ചതു കണ്ടപ്പോഴാണ് പ്രകോപിതരായി പ്രവര്‍ത്തകര്‍ ശരണംവിളിച്ച് പ്രതിഷേധിച്ചത്.
ശബരിമല യുവതീപ്രവേശനത്തിലും നവോത്ഥാന മതിലിലും ഇടതുപക്ഷത്തിനൊപ്പം നിന്ന വെള്ളാപ്പള്ളി നടേശനോട് സമുദായത്തിനുള്ളില്‍നിന്നു തന്നെ പ്രതിഷേധം പുകയുന്നുണ്ട്. എന്നാല്‍ എന്നാല്‍ എസ്എന്‍ഡിപിയ്ക്ക് ശരിദൂരമാണെന്നായിരുന്നു വിഷയത്തില്‍ വെള്ളാപ്പള്ളി പ്രതികരിച്ചത്.
