ദില്ലി:ദില്ലിയില്‍ ആം ആദ്മിയുമായി സഖ്യമില്ലെന്നുറപ്പിച്ചുകൊണ്ട് ആറ് മണ്ഡലങ്ങളില്‍ കോണ്‍ഗ്രസ് സ്ഥാനാര്‍ത്ഥികളെ പ്രഖ്യാപിച്ചു.ഏഴ് ലോക്സഭാ മണ്ഡലങ്ങളുള്ള ഡല്‍ഹിയില്‍ ഒരു സീറ്റിലേക്ക് സ്ഥാനാര്‍ത്ഥിയെ നിശ്ചയിച്ചിട്ടില്ല.
നോര്‍ത്ത് ഈസ്റ്റ് ദില്ലി മണ്ഡലത്തില്‍ ഷീല ദീക്ഷിതും ന്യൂദില്ലിയില്‍ അജയ് മാക്കനും ജനവിധി തേടും.ചാന്ദ്നി ചൗക്കില്‍ ജെപി അഗര്‍വാള്‍,ചാന്ദ്നി ചൗക്കില്‍ ജെ.പി അഗര്‍വാള്‍, നോര്‍ത്ത് വെസ്റ്റ് ഡല്‍ഹിയില്‍ രാജേഷ് ലിലോത്തിയ, വെസ്റ്റ് ഡല്‍ഹിയില്‍ മഹാബല്‍ മിശ്ര എന്നിവരാണ് സ്ഥാനാര്‍ത്ഥികള്‍.
നേരത്തെ ഡല്‍ഹിയില്‍ ആം ആദ്മി പാര്‍ട്ടിയുമായുള്ള സഖ്യത്തിന് കോണ്‍ഗ്രസ് ഏറെ ചര്‍ച്ചകള്‍ നടത്തിയിരുന്നെങ്കിലും ശ്രമം പരാജയപ്പെട്ടിരുന്നു. ഡല്‍ഹിയില്‍ നാല് സീറ്റുകള്‍ വരെ ആം ആദ്മി പാര്‍ട്ടിക്ക് നല്‍കാന്‍ തയ്യാറാണെന്ന് കോണ്‍ഗ്രസ് അറിയിച്ചെങ്കിലും ഹരിയാനയിലും സീറ്റുകള്‍ വേണമെന്ന ആവശ്യത്തില്‍ ആം ആദ്മി പാര്‍ട്ടി ഉറച്ചുനിന്നതോടെ സഖ്യത്തിനുള്ള നീക്കങ്ങള്‍ പരാജയപ്പെടുകയായിരുന്നു.
