തിരുവനന്തപുരം:മലയാളത്തിന്റെ പ്രിയ താരങ്ങളും തങ്ങളുടെ വോട്ടു രേഖപ്പെടുത്തി. വോട്ടു ചെയ്തശേകം എല്ലാവരും ചിത്രങ്ങള്‍ സമൂഹമാധ്യമത്തിലൂടെ പങ്കുവെച്ചു.വോട്ട് നമ്മുടെ അധികാരമാണ്, അവകാശമാണ്. അത് എല്ലാവരും വിനിയോഗിക്കണമെന്ന് എറണാകുളത്തു വോട്ടുചെയ്തശേഷം നടന്‍ മമ്മൂട്ടി പറഞ്ഞു.
തിരുവനന്തപുരം മുടവന്‍മുഗളിലെ ബൂത്തില്‍ വലിയ തിരക്കായതിനാല്‍ നടന്‍ മോഹനലാല്‍ ഏറെ നേരം ക്യൂ നിന്നാണ് വോട്ടു ചെയ്തത്.അടുത്ത സുഹൃത്തിനൊപ്പമാണ് അദ്ദേഹം ബൂത്തിലേക്കെത്തിയത്. കഴിഞ്ഞദിവസം തൃശൂരിലെ സ്ഥാനാര്‍ത്ഥി സുരേഷ് ഗോപി മോഹന്‍ലാലിനെ വീട്ടില്‍ സന്ദര്‍ശിച്ചിരുന്നു.
രാവിലെ തന്നെ തൃശ്ശൂരിലെ ഇരിങ്ങാലക്കുട ജിഎച്ച്എച്ച്എസ്സിലെത്തി ടൊവിനോ തോമസ് വോട്ട് ചെയ്തു.വോട്ട് ചെയ്യുക എന്നത് അവകാശം മാത്രമല്ല. ഉത്തരവാദിത്വം കൂടിയാണെന്ന് ടൊവിനോ പറഞ്ഞു. ഫഹദ് ഫാസില്‍,അജു വര്‍ഗീസ്, ഭാമ,ഗായിക സയനോര എന്നിവരും വോട്ട് രേഖപ്പെടുത്തി.
