വാഷിങ്ടന്‍:അമേരിക്കയിലെ ഫ്‌ളോറിഡയില്‍ ബോയിംഗ് വിമാനം നദിയില്‍ പതിച്ചു.ജാക്‌സണ്‍വില്ലയ്ക്കു സമീപം സെന്റ് ജോണ്‍സ് നദിയിലേക്കാണ് ബോയിങ് 737 വിമാനം വീണത്.എന്നാല്‍ വിമാനത്തിലുണ്ടായിരുന്ന 136 യാത്രക്കാരും സുരക്ഷിതരാണെന്ന് അധികൃതര്‍ പറയുന്നു.
ഗ്വാണ്ടനാമോ നാവിക കേന്ദ്രത്തില്‍നിന്നു വരികയായിരുന്ന വിമാനം റണ്‍വേയില്‍ നിന്നും തെന്നിമാറിയാണ് നദിയിലേക്കു പതിച്ചത്. എന്നാല്‍ വിമാനം നദിയില്‍ മുങ്ങിയിട്ടില്ല. വിമാനത്തിലെ യാത്രക്കാരില്‍ ഭൂരിഭാഗവും സൈനികരാണെന്നാണ് റിപ്പോര്‍ട്ട്.
