വടകര:വടകര മണ്ഡലത്തില്‍ സ്വതന്ത്ര സ്ഥാനാര്‍ഥിയായി മത്സരിച്ച സി ഒ ടി നസീറിന് വെട്ടേറ്റു. തലശ്ശേരിയില്‍ പുതിയ സ്റ്റാന്റ് പരിസരത്ത് നില്‍ക്കുകയായിരുന്ന നസീറിനെ ബൈക്കിലെത്തിയ മൂന്നംഗ സംഘം ആക്രമിക്കുകയായിരുന്നു.
ആക്രമണത്തില്‍ പരിക്കേറ്റ നസീറിനെ കോഴിക്കോട്ടെ സ്വകാര്യ ആശുപത്രിയില്‍ പ്രവേശിപ്പിച്ചു. സിപിഎം പ്രവര്‍ത്തകനായിരുന്ന നസീര്‍ പാര്‍ട്ടിയുമായി പിണങ്ങി പുറത്തു വന്നശേഷമാണ് വടകരയിലെ സ്വതന്ത്രസ്ഥാനാര്‍ത്ഥിയായി നസീര്‍ മല്‍സരിച്ചത്.
