തിരുവനന്തപുരം:പിഎസ് സി നടത്തിയ പരീക്ഷകളുടെ ഉത്തരക്കടലാസുകള്‍ ചിതലരിച്ചു. എക്സൈസ് വകുപ്പിലെ വുമണ്‍ സിവില്‍ എക്സൈസ് ഓഫീസര്‍, വൊക്കേഷണല്‍ ഹയര്‍ സെക്കന്ററി വകുപ്പില്‍ ഇന്‍സ്ട്രക്ടര്‍ എന്നീ തസ്തികകളില്‍ നടത്തിയ പരീക്ഷകളുടെ ഉത്തരക്കടലാസാണ് ചിതലരിച്ചത്.ഒന്നരവര്‍ഷം മുന്‍പ് നടത്തിയ ഈ രണ്ടു പരീക്ഷകളും വീണ്ടും നടത്താന്‍ പിഎസ്‌സി തീരുമാനിച്ചു.പുതിയ പരീക്ഷാത്തീയതി പിന്നീടറിയിക്കും.
പിഎസ്‌സി ആസ്ഥാനത്ത് ഭിത്തിയിലെ നനവ് മൂലമാണ് ഉത്തരക്കടലാസുകള്‍ ചിതലരിച്ചതെന്നാണ് അധികൃതരുടെ വിശദീകരണം.
