കൊച്ചി:എറണാകുളം സെന്‍ട്രല്‍ സ്റ്റേഷന് സിഐവിഎസ് നവാസിനെ കാണാതായതായി പരാതി.വ്യാഴാഴ്ച പുലര്‍ച്ചെ മുതല്‍ നവാസിനെ കാണാനില്ലെന്ന് ഭാര്യയാണ് പരാതി നല്‍കിയത്. നവാസിനെ കണ്ടെത്താന്‍ അന്വേഷണം ആരംഭിച്ചതായി കൊച്ചി സിറ്റി പോലീസ് കമ്മീഷണര്‍ ഐജി വിജയ് സാഖറെ അറിയിച്ചു.
ഇന്നലെ മേലുദ്യോഗസ്ഥനും നവാസും തമ്മില്‍ വാക്കേറ്റമുണ്ടായതായി സൂചനയുണ്ട്. തുടര്‍ന്ന് നവാസ് തന്റെ ഔദ്യോഗിക ഫോണ്‍ നമ്പറിന്റെ സിം കീഴുദ്യോഗസ്ഥന് കൈമാറിയെന്നും ഔദ്യോഗിക ചുമതലകള്‍ ഒഴിഞ്ഞെന്നും പോലീസ് വൃത്തങ്ങള്‍ പറയുന്നു. ഇന്നു പുലര്‍ച്ചെ തേവരയില്‍ ക്വാര്‍ട്ടേഴ്‌സിലെത്തിയ നവാസ് അഞ്ചരയ്ക്കുശേഷം പുറത്തുപോയി. പിന്നീട് യാതൊരു വിവരവുമില്ലെന്നാണ് ഭാര്യയുടെ പരാതി.
