കണ്ണൂര്‍:പയ്യാവൂരില്‍ കാട്ടാന കിണറ്റില്‍ വീണു.ഇന്നലെ രാത്രിയാണ് ചന്ദനക്കാംപാറ ഷിമോഗ കോളനിയിലെ കിണറ്റില്‍ ആന വീണത്. സ്ഥിരം കാട്ടാനശല്യമുള്ള പ്രദേശത്ത് ആളുകള്‍ പല തവണ പരാതി പറഞ്ഞിട്ടും അധികൃതര്‍ നടപടിയെടുക്കാത്തതില്‍ നാട്ടുകാര്‍ പ്രതിഷേധിച്ചു. ആനയെ രക്ഷപ്പെടുത്തേണ്ടെന്നായിരുന്നു നാട്ടുകാരുടെ പക്ഷം.
ആനയെ കയറ്റാന്‍ നടപടി തുടങ്ങിയെങ്കിലും കാട്ടാനകള്‍ സ്ഥലത്ത് നിലയുറപ്പിച്ചതിനെത്തുടര്‍ന്ന് രക്ഷാപ്രവര്‍ത്തനത്തിന് തടസ്സം നേരിട്ടു.
