തൃശ്ശൂര്‍:മലയാള ചലച്ചിത്ര സംവിധായകന്‍ ബാബു നാരായണന്‍ (59 ) അന്തരിച്ചു.പുലര്‍ച്ചെ ആറ് മുപ്പതിന് തൃശൂരിലായിരുന്നു അന്ത്യം.അര്‍ബുദ രോഗം ബാധിച്ച് ഏറെ നാളായി ചികിത്സയില്‍ കഴിയുകയായിരുന്നു.അനില്‍ ബാബു എന്ന ഇരട്ട സംവിധായകരില്‍ ഒരാളായ ബാബു അനിലിനൊപ്പം 24 സിനിമകള്‍ സംവിധാനം ചെയ്തിട്ടുണ്ട്.മൂന്നരയ്ക്ക് മൃതദേഹം പൊതുദര്‍ശനത്തിന് വയ്ക്കും.വൈകിട്ട് നാലിന് സംസ്‌കാര ചടങ്ങുകള്‍ നടക്കും.നടി ശ്രവണ മകളാണ്.
അനില്‍ ബാബു എന്ന ഇരട്ട സംവിധായകരില്‍ ഒരാളാണ് ബാബു.സഹസംവിധായകനായ അനിലിനൊപ്പം മൊത്തം 24 ചിത്രങ്ങള്‍ സംവിധാനം ചെയ്തിട്ടുണ്ട്.ഹരിഹരന്റെ സംവിധാന സഹായിയായാണ് സിനിമയില്‍ ചുവടുവച്ച് ബാബു പിന്നീട് സ്വതന്ത്ര സംവിധായകനായി.’അനഘ’യാണ് ആദ്യ ചിത്രം.സ്ത്രീധനം, കുടുംബവിശേഷം,പട്ടാഭിഷേകം, കളിയൂഞ്ഞാല്‍,അരമന വീടും അഞ്ഞൂറേക്കറും,പകല്‍പ്പൂരം തുടങ്ങിയ ചിത്രങ്ങള്‍ അനില്‍ ബാബു കൂട്ടുകെട്ടിന്റെ ഹിറ്റുകളാണ്.
2013ല്‍ മമ്ത മോഹന്‍ദാസ് നായികയായ ‘നൂറ വിത്ത് ലവ്’ എന്ന ചിത്രം ബാബു നാരായണന്‍ ഒറ്റയ്ക്കാണ് സംവിധാനം ചെയ്തത്.ബാബുവിന്റെ അവസാന ചിത്രവും ഇതായിരുന്നു.
