മംഗലാപുരം :മംഗലാപുരം രാജ്യാന്തര വിമാനത്താവളത്തില്‍ വിമാനം റണ്‍വേയില്‍ നിന്നും തെന്നി മാറി.ദുബായില്‍ നിന്നെത്തിയ എയര്‍ ഇന്ത്യഎക്സ്പ്രസ് വിമാനമാണ് നിലത്തിറങ്ങുന്നതിനിടെ റെണ്‍വേയില്‍നിന്ന് തെന്നിമാറിയത്.വൈകിട്ട് 5.40ഓടെയായിരുന്നു സംഭവം .വിമാനത്തിന്റെ ചക്രങ്ങള്‍ ചെളിയില്‍ താഴ്ന്നു.ഉടന്‍തന്നെ യാത്രക്കാരെ വിമാനത്തില്‍നിന്ന് പുറത്തിറക്കി.എല്ലാവരും സുരക്ഷിതരാണെന്ന് എയര്‍ ഇന്‍ഡ്യ അധികൃതര്‍ അറയിച്ചു.
183 യാത്രക്കാരാണ് വിമാനത്തില്‍ ഉണ്ടായിരുന്നത്. സംഭവത്തെക്കുറിച്ച് ഡയറക്ടര്‍ ജനറല്‍ ഓഫ് ഏവിയേഷന്‍ അന്വേഷണത്തിന് നിര്‍ദേശം നല്‍കി.
