കായംകുളം:നേപ്പാള്‍ സ്വദേശിനിയായ പതിമൂന്നുകാരിയെ പീഡിപ്പിക്കാന്‍ ശ്രമിച്ചയാളെ പോലീസ് അറസ്റ്റ് ചെയ്തു. കൃഷ്ണപുരം സ്വദേശി നിധീഷ് മോഹനാണ് അറസ്റ്റിലായത്.കുട്ടിയുടെ രക്ഷിതാക്കള്‍ നല്‍കിയ പരാതിയുടെ അടിസ്ഥാനത്തിലാണ് അറസ്റ്റ്.ഇയാള്‍ക്കെതിരെ പൊക്‌സോ കേസെടുത്തു.
കഴിഞ്ഞ ദിവസം രാത്രി മദ്യലഹരിയില്‍ പെണ്‍കുട്ടിയുടെ താമസസ്ഥലത്തെത്തിയ നിധീഷ് അമ്മയ്‌ക്കൊപ്പം ഉറങ്ങിയ പെണ്‍കുട്ടിയെ കടന്നുപിടിക്കുകയായിരുന്നു.കുട്ടി ബഹളംവെച്ചപ്പോള്‍ പിതാവും അയല്‍ക്കാരും ഓടിയെത്തി. ഇതിനിടെ നിധീഷ് ഓടി രക്ഷപ്പെടുകയായിരുന്നു.തുടര്‍ന്ന് ഇയാള്‍ക്കെതിരെ പെണ്‍കുട്ടിയുടെ കുടുംബം പോലീസില്‍ പരാതി നല്‍കി. അന്വേഷണത്തില്‍ വീട്ടില്‍ നിന്നും പ്രതിയെ കണ്ടെത്തുകയായിരുന്നു.
