ഇടുക്കി: നെടുങ്കണ്ടം കസ്റ്റഡിമരണക്കേസില്‍ എഎസ്ഐ ഉള്‍പ്പടെ മൂന്ന് പേര്‍കൂടി അറസ്റ്റില്‍. എഎസ്ഐ റോയ് പി വര്‍ഗീസ്, സിപിഒ ജിതിന്‍ കെ ജോര്‍ജ്, ഹോം ഗാര്‍ഡ് കെ എം ജെയിംസ് എന്നിവരെയാണ് ക്രൈംബ്രാഞ്ച് അറസ്റ്റ് ചെയ്തത്. ഇതോടെ കേസില്‍ അറസ്റ്റിലായ പൊലീസുകാരുടെ എണ്ണം ഏഴായി.
നെടുങ്കണ്ടം പൊലീസ് സ്റ്റേഷനിലെ എസ്ഐ സാബു, എഎസ്ഐ റെജിമോന്‍, സിപിഒ നിയാസ്, സജീവ് ആന്റണി എന്നിവരാണ് നേരത്തേ അറസ്റ്റിലായ പ്രതികള്‍. ഒന്നാം പ്രതിയായ സാബു ഉള്‍പ്പെടെയുള്ളവര്‍ക്കെതിരെ കൊലക്കുറ്റമാണ് ചുമത്തിയിരിക്കുന്നത്. കേസിലുള്‍പ്പെട്ട എല്ലാ പ്രതികളേയും അറസ്റ്റ് ചെയ്യാത്തത് വലിയ വിമര്‍ശനത്തിനിടയാക്കിയിരുന്നു. കഴിഞ്ഞമാസം 21 നാണ് സാമ്പത്തിക തട്ടിപ്പ് കേസില്‍ നെടുങ്കണ്ടം പോലീസ്
അറസ്റ്റ് ചെയ്ത രാജ്കുമാര്‍ പീരുമേട് സബ് ജയിലില്‍ മരിച്ചത്.
