സമൂഹനന്മയ്ക്കു വേണ്ടി പോരാടുവാനും പ്രതിസന്ധി ഘട്ടത്തിൽ സമൂഹത്തോട് ചേർന്ന് ക്രൈസ്തവ സമൂഹം കടമ നിർവഹിക്കണമെന്നും അഭി. മാത്യൂസ് മാർ സിൽവാനിയോസ് എപ്പിസ്ക്കോപ്പ .
മല്ലപള്ളി: ഇമ്മാനുവേൽ ബിലീവേഴ്‌സ് ഈസ്റ്റേൺ ചർച്ച് മല്ലപ്പള്ളി ഇടവകയുടെ നേതൃത്വത്തിൽ നടത്തിയ ഓണോത്സവവും പൊതു സമ്മേളനവും ഉദ്ഘാടനം ചെയ്തു പ്രസംഗിക്കുകയായിരുന്നു ബിലിവേഴ്സ് ഈസ്റ്റേൺ ചർച്ച് നിരണം ഭദ്രാസനം സഹായമെത്രാൻ അഭി. മാത്യൂസ് മാർ സിൽവാനിയോസ് എപ്പിസ്ക്കോപ്പ.ഇടവക വികാരി റവ.ഫാദർ ജോസ് കരിക്കം അദ്യക്ഷത വഹിച്ചു.
രാവിലെ 8.30 ന് ആലോഷ പരിപാടികൾക്ക് തുടക്കം കുറച്ചു.മല്ലപ്പള്ളി ഗ്രാമപഞ്ചായത്ത് പ്രസിഡന്റ് റജി സാമുവേൽ മുഖ്യ സന്ദേശം നല്കി. ബിലിവേഴ്സ് ഈസ്റ്റേൺ ചർച്ച് നിരണം ഭദ്രാസനം സെക്രട്ടറി ഫാദർ റെജി.കെ. തമ്പാൻ,കോഴഞ്ചേരി സെൻറർ മിഷൻ കോർഡിനേറ്റർ റവ.ഫാദർ ബിജു തോമസ്, പി.ആർ.ഒ :സിബി സാം തോട്ടത്തിൽ,യൂണിവേഴ്സൽ റിക്കോർഡ്സ് ഫോറം ജൂറി ഡോ.ജോൺസൺ വി. ഇടിക്കുള,ഓൾ ഇന്ത്യ ക്രിസ്ത്യൻ അസോസിയേഷൻ ചെയർമാൻ ഗ്രിഗറി വി.സി, ഫാദർ: കെ.എ.ജോർജ് എന്നിവർ ആശംസകൾ അറിയിച്ചു. കലാകായിക മത്സരങ്ങളും ഓണസദ്യയും മത്സരങ്ങളിൽ വിജയികളായവർക്ക് സമ്മാനദാനവും നടത്തി.
