എടത്വ: 1965 മുതല്‍ എടത്വ സെന്റ് അലോഷ്യസ് കോളേജിലെ സ്റ്റുഡന്റ്സ് യൂണിയനുകള്‍ക്ക് നേതൃത്വം കൊടുത്തിരുന്ന പൂര്‍വ്വ വിദ്യാര്‍ത്ഥി നേതാക്കളെയും കലാലയത്തില്‍ നിന്ന് വിരമിച്ച അധ്യാപകരും അനധ്യാപകരും ഉൾപെടെയുള്ള എടത്വ സെന്റ് അലോഷ്യസ് കോളേജ് സ്റ്റുഡന്റ്സ് യൂണിയന്‍ പൂര്‍വ്വ നേതാക്കളുടെ സംഗമവും ഓണാഘോഷവും സെപ്റ്റംബര്‍ 13 ന് രാവിലെ 10 മണി മുതല്‍ കോളേജ് ആഡിറ്റോറിയത്തില്‍ നടക്കും.
ഫോര്‍മര്‍ യൂണിയന്‍ മെംബേര്‍സ് ഫോറം എന്ന കൂട്ടായ്മയുടെ നേതൃത്വത്തിലാണ് രാഷ്ട്രീയ വ്യത്യാസമില്ലാതെ യൂണിയന്‍ നേതാക്കളെയും കുടുംബാംങ്ങഗളേയും പങ്കെടുപ്പിച്ച് ഏകദിനസംഗമം, ഓണസദ്യ, അത്തപ്പൂക്കളം എന്നീ പരിപാടികള്‍ സംഘടിപ്പിക്കുന്നത്.
എഫ്.യു.എം.എഫ്. പ്രസിഡന്റ് ടോമി ജോര്‍ജ്ജ് അധ്യക്ഷത വഹിക്കും. പ്രമുഖ സംവിധായകന്‍ ശിവപ്രസാദ് കവിയൂര്‍ പ്രവര്‍ത്ത നോത്ഘാടനം നിര്‍വ്വഹിക്കും. കുടുംബ സംഗമത്തിന്റെ ഉത്ഘാടനം സംവിധായകന്‍ വിജി തമ്പിയും, ഓണാഘോഷങ്ങളുടെ ഉത്ഘാടനം സിനിമാതാരം ബാബു നമ്പൂതിരിയും, ലോഗോ പ്രകാശനം യു. പ്രതിഭ എംഎല്‍എയും നിര്‍വ്വഹിക്കും. പ്രിന്‍സിപ്പല്‍ ഡോ. ജോച്ചന്‍ ജോസഫ്, മുന്‍ പ്രിന്‍സിപ്പല്‍ ഫാ. ചെറിയാന്‍ തലക്കുളം, അഡ്വ. ഷാനിമോള്‍ ഉസ്മാന്‍, ഡോ. സാം കടമ്മനിട്ട, മുന്‍ അധ്യാപകരായ അന്ത്രയോസ് ജോസഫ്, പ്രഫ. റോസമ്മ, ജില്ലാ പഞ്ചായത്ത് അംഗം ബിനു ഐസക് രാജു, മാധ്യമ പ്രതിനിധികളായ എന്‍. ശ്രീനാഥ്, അനില്‍ സി. ഇടിക്കുള, സംഘടന പ്രതിനിധികളായ സോണല്‍ നെറോണ, രമേഷ്‌കുമാര്‍, വര്‍ഗീസ് എം.ജെ., റാംസെ ജെ.റ്റി., അസ്ഗര്‍ അലി, ബാബുകുട്ടി മാമ്മന്‍, അച്ചന്‍കുഞ്ഞ്, അജോ ആന്റണി, ഷൈനി കെ. തോമസ് എന്നിവര്‍ പ്രസംഗിക്കും. തുടര്‍ന്ന് പിന്നണി ഗായകന്‍ പ്രശാന്ത് പുതുക്കരിയും സംഘവും അവതരിപ്പിക്കുന്ന ഗാനമേളയും മിമിക്‌സ് പരേഡും നടക്കും.
കലാലയത്തിലെ പൂര്‍വ്വ വിദ്യാര്‍ത്ഥികള്‍, പ്രിന്‍സിപ്പല്‍, അധ്യാപക-അനദ്ധ്യാപക സ്ഥാനങ്ങളില്‍ പ്രവര്‍ത്തിച്ചവര്‍, ഗ്ലോബല്‍ അലുമ്‌നി അസോസിയേഷന്‍ പ്രവര്‍ത്തകര്‍, കോളേജ് മാനേജ്‌മെന്റ് പ്രതിനിധികള്‍ എന്നിവരെ ഉള്‍പ്പെടുത്തി വിപുലമായ സമ്മേളനം 2020 ല്‍ നടത്തുന്നതിനും ഒരുക്കങ്ങള്‍ ആരംഭിച്ചു കഴിഞ്ഞതായി വര്‍ഗീസ് എം.ജെ., ടോമി ജോര്‍ജ്ജ്, ഡോ. ജോണ്‍സണ്‍ വി. ഇടിക്കുള, റാംസെ ജെ.റ്റി., അസ്ഗര്‍ അലി, അജോ ആന്റണി, രമേഷ്‌കുമാര്‍, മോഹനന്‍ തമ്പി, ജയൻ ജോസഫ് ,ഡോ. ജോമോൾ ജോസ് എന്നിവര്‍ പത്രസമ്മേളനത്തില്‍ പറഞ്ഞു. ഫോണ്‍.9400231601
