ഉണ്ണി ആറിന്റെ തിരക്കഥയില്‍ റോഷന്‍ ആന്‍ഡ്രൂസ് സംവിധാനം ചെയ്യുന്ന പുതിയ ചിത്രത്തില്‍ സംവിധായകനായ റോഷന്‍ ആന്‍ഡ്രൂസ് തന്നെ വില്ലന്‍ കഥാപാത്രത്തെ അവതരി്പ്പിക്കുന്നു. പ്രതിഫല തര്‍ക്കത്തെ തുടര്‍ന്ന് ജോജു ജോര്‍ജ്ജ് പിന്മാറിയ സാഹചര്യത്തിലാണിത്. ഒരാഴ്ചത്തെ ജോലിയ്ക്ക് താരങ്ങള്‍ പറഞ്ഞ പ്രതിഫലം സിനിമയ്ക്ക് ചേരുന്നതായിരുന്നില്ല. എന്റെ കഥാപാത്രങ്ങള്‍ക്കാണ് ഞാന്‍ പ്രതിഫലം നിശ്ചയിക്കുന്നത് അല്ലാതെ താരങ്ങള്‍ക്കല്ല. അതുകൊണ്ടാണ് ഈ വേഷം അവതരിപ്പിക്കുവാന്‍ ഞാന്‍ തീരുമാനിച്ചത്. അഭിനയിക്കുവാന്‍ ഇഷ്ടമുണ്ടെങ്കിലും അഭിനയിപ്പിക്കുന്ന സംവിധായകനാണ് കൂടുതല്‍ ഇഷ്ടം.
ഹൗ ഓൾഡ് ആര്‍ യു എന്ന ചിത്രത്തിനു ശേഷം മഞ്ചുവാര്യരും, റോഷന്‍ ആന്‍ഡ്രൂസും വീണ്ടും ഒന്നിക്കുന്ന ചിത്രമാണ് പ്രതി പൂവന്‍ കോഴി.
