തിരുവല്ല:ബിലീവേഴ്സ് ഈസ്റ്റേൺ ചർച്ച് നിരണം ഭദ്രാസനം വാർത്ത മാസിക ‘ബാറക്മോർ’ പ്രകാശനം ചെയ്തു.
സഭാ പരമാധ്യക്ഷൻ മോറോൻ മോർ അത്തനേഷ്യസ് യോഹാൻ പ്രഥമൻ മെത്രാപോലീത്ത നിരണം ഭദ്രാസനം സഹായമെത്രാൻ മാത്യൂസ് മോർ സിൽവാനിയോസ് എപ്പിസ്കോപ്പായ്ക്ക് ആദ്യ പകർപ്പ് നല്കി പ്രകാശനം ചെയ്തു.
ദൃശ്യമാധ്യമങ്ങളുടെ അതിപ്രസരം മൂലം വായന ശീലം അന്യമായി കൊണ്ടിരിക്കുന്ന സാഹചര്യത്തിൽ വായനയ്ക്ക് ഉതകുന്ന നിലവാരം ഉള്ള ഗ്രന്ഥങ്ങൾ ഉണ്ടാകേണ്ടത് ഇന്നിന്റെ ആവശ്യമാണെന്ന് മെത്രാപോലീത്ത പറഞ്ഞു. ചീഫ് എഡിറ്റർ ഫാദർ അജു പി.ജോൺ അധ്യക്ഷത വഹിച്ചു.
നിരണം ഭദ്രാസനം സെക്രട്ടറി ഫാദർ.റെജി കെ. തമ്പാൻ, കോന്നി ഇടവക വികാരി ഫാദർ സജു തോമസ്, വാകത്താനം ഇടവക വികാരി ഫാദർ റോബിൻ കെ.തമ്പി , നിരണം ഇടവക വികാരി ഫാദർ ഷിജു മാത്യൂ, പി.ആർ.ഒ: സിബി സാം തോട്ടത്തിൽ ,എ ഡിറ്റർ പി.എസ് ചെറിയാൻ , ന്യൂസ് എഡിറ്റർ ഡോ.ജോൺസൺ ഇടിക്കുള എന്നിവർ സംബന്ധിച്ചു.
