തമിഴ്നാട് മുൻ മുഖ്യമന്ത്രി ജയലളിതയുടെ ജീവിതത്തെ അസ്പദമാക്കി ഒരുക്കുന്ന ക്വീന്‍ എന്ന വെബ്‌സീരിസിന്റെ ട്രെയിലര്‍ പുറത്തിറങ്ങി. ഗൗതം മേനോന്‍ ഒരുക്കുന്ന വെബ്‌സീരിസില്‍ രമ്യകൃഷ്ണനാണ് ജയലളിതയായി വേഷമിടുന്നത്. മലയാളത്തിന്റെ പ്രിയതാരം ഇന്ദ്രജിത്ത് എം.ജി.ആറായി എത്തുന്നു. രണ്ടു പേര്‍ ചേര്‍ന്നാണ് വെബ്‌സീരിസ് സംവിധാനം ചെയ്തിരിക്കുന്നത്. അഞ്ച് എപ്പിസോഡുകള്‍ ഗൗതം മേനോനും, അഞ്ച് എപ്പിസോഡുകള്‍ പ്രശാന്തുമാണ് സംവിധാനം ചെയ്തിരിക്കുന്നത്. നടി അനിഘ ജയലളിതയുടെ ബാല്യകാലവും അഞ്ജന ജയപ്രകാശ് കൗമാരകാലവും അവതരിപ്പിക്കുന്നു. ഇരുവര്‍ സിനിമയില്‍ മോഹന്‍ലാല്‍ എംജിആറായി അഭിനയിച്ചിരുന്നു. വര്‍ഷങ്ങള്‍ക്കിപ്പുറം ആ നിയോഗം ഇന്ദ്രജിത്തിനാണ് ലഭിച്ചിരിക്കുന്നത്. അതിനാല്‍ മലയാളിപ്രേക്ഷകരും ഈ വെബ്‌സീരിസ് കാണാനുള്ള ആകാംക്ഷയിലാണ്.
