പുതുവര്‍ഷാരംഭത്തിൽ പ്രേക്ഷകര്‍ക്കായി ഒരു വേറിട്ട ഗെറ്റപ്പിൽ എത്തുകയാണ് മെഗാസ്റ്റാര്‍. പൊളിറ്റിക്കല്‍ ത്രില്ലറായി ഒരുക്കുന്ന ‘വണ്‍’ എന്ന സിനിമിയില്‍ നിന്നുള്ള മമ്മൂട്ടിയുടെ ക്യാരക്ടര്‍ പോസ്റ്ററാണ് പുറത്തു വന്നിരിക്കുന്നത്. കടയ്ക്കല്‍ ചന്ദ്രൻ എന്ന പേരുള്ള മുഖ്യമന്ത്രിയുടെ കഥാപാത്രത്തെയാണ് ചിത്രത്തില്‍ മമ്മൂട്ടി അവതരിപ്പിക്കുന്നത്. ഒരു രാഷ്ട്രീയക്കാരന്റെ ലുക്കില്‍ വെള്ള നിറമുള്ള മുണ്ടും ഷര്‍ട്ടും ധരിച്ചു നില്‍ക്കുന്ന ചിത്രമാണ് പുറത്ത് വന്നിരിക്കുന്നത്. സന്തോഷ് വിശ്വനാഥനാണ് ചിത്രം സംവിധാനം ചെയ്യുന്നത്. ബോബി – സഞ്ജയുടേതാണ് തിരക്കഥ. സംഗീതം ഗോപിസുന്ദര്‍. ഇച്ചായീസ് പ്രൊഡക്ഷന്‍സിന്റെ ബാനറില്‍ നിര്‍മ്മിക്കുന്ന ചിത്രത്തില്‍ സംയുക്ത മേനോന്‍, ഗായത്രി അരുണ്‍ എന്നിവരാണ് നായികമാരായിട്ടെത്തുന്നത്. ജോജു ജോര്‍ജ്ജ്, സലിം കുമാര്‍, മുരളി ഗോപി, ബാലചന്ദ്രമേനോന്‍, രഞ്ജി പണിക്കര്‍, വിഷ്ണു ഉണ്ണികൃഷ്ണന്‍, ശങ്കര്‍ രാമകൃഷ്ണന്‍, ശ്രീനിവാസന്‍, മാമുക്കോയ, അലന്‍സിയര്‍, സുരേഷ് കൃഷ്ണ, സംവിധായകന്‍ രഞ്ജിത്ത്, ശ്യാമപ്രസാദ് തുടങ്ങിയ താരങ്ങളാണ് ചിത്രത്തിലുള്ളത്.
