സൂപ്പര്‍ഹിറ്റ് ചിത്രം കൈതിക്ക് ശേഷം ലോകേഷ് കനകരാജ് സംവിധാനം ചെയ്യുന്ന ചിത്രം മാസ്റ്ററിലെ ആദ്യഗാനം പുറത്തിറങ്ങി. വിജയ് തന്നെയാണ് ഗാനം ആലപിച്ചിരിക്കുന്നത്. അനിരുദ്ധ് രവിചന്ദറാണ് സംഗീതമൊരുക്കിയിരിക്കുന്നത്. അദ്ദേഹവും വിജയ്‌ക്കൊപ്പം പാടിയിട്ടുണ്ട്. വിജയി സേതുപതിയാണ് ചിത്രത്തില്‍ വില്ലനായി എത്തുന്നത്. വിജയ് പ്രൊഫസറുടെ വേഷത്തിലെത്തുന്ന ചിത്രത്തില്‍ വിദ്യാഭ്യാസരംഗത്തെ അഴിമതിയാണ് പ്രമേയമാക്കുന്നത്. ഡല്‍ഹി, കര്‍ണ്ണാടക, ചെന്നൈ എന്നിവിടങ്ങളില്‍ വച്ചാണ് ചിത്രത്തിന്റെ ചിത്രീകരണം. മാളവിക മോഹനന്‍, ആന്‍ഡ്രിയ, ശന്തനു ഭാഗ്യാരാജ്, അര്‍ജ്ജുന്‍ ദാസ്, ഗൗരീ കൃഷ്ണന്‍ തുടങ്ങിയവരാണ് മറ്റു താരങ്ങള്‍.
