ബ്രഹ്മാണ്ഡചിത്രം മരക്കാര്‍ അറബിക്കടലിന്റെ സിംഹം മാര്‍ച്ചില്‍ റിലീസ് ചെയ്യാനിരിക്കുകയാണ്. പ്രിയദര്‍ശന്‍ – മോഹന്‍ലാല്‍ കൂട്ടുകെട്ടില്‍ ഒരുങ്ങുന്ന ഈ ചിത്രത്തില്‍ മോഹന്‍ലാലിന്റെ ചെറുപ്പകാലം അഭിനയിക്കുന്നത് പ്രണവ് മോഹന്‍ലാല്‍ ആണ്. ഇപ്പോഴിതാ ചിത്രത്തില്‍ പ്രണവിന്റെ ക്യാരക്ടര്‍ പോസ്റ്റര്‍ പുറത്തിറങ്ങിയിരിക്കുകയാണ്. മമ്മാലി എന്ന കഥാപാത്രത്തെയാണ് പ്രണവ് അവതരിപ്പിക്കുന്നത്. ആക്ഷന് ഏറെ പ്രാധാന്യമുള്ള വേഷമാണ് ഇദ്ദേഹത്തിന്റേതെന്നാണ് റിപ്പോര്‍ട്ടുകള്‍. 100 കോടി ബഡ്ജറ്റില്‍ ഒരുങ്ങുന്ന ഈ ചിത്രം ആഗോളതലത്തില്‍ തന്നെ അയ്യായിരത്തോളം തീയറ്ററുകളില്‍ റിലീസ് ചെയ്യുന്നുണ്ടെന്നാണ് വിവരം. മഞ്ജു വാര്യര്‍, കീര്‍ത്തി സുരേഷ്, കല്യാണി പ്രിയദര്‍ശന്‍, സിദ്ദിഖ്, പ്രഭു, ഫാസില്‍, നെടുമുടി വേണു, അര്‍ജ്ജുന്‍ സര്‍ജ, സുനില്‍ ഷെട്ടി തുടങ്ങി വമ്പന്‍ താരനിര തന്നെ ഈ ചിത്രത്തില്‍ അണിനിരക്കുന്നുണ്ട്. ഇളയരാജ, എം.ജി.ശ്രീകുമാര്‍, രാജേഷ് മുരുകേശന്‍ എന്നിവരാണ് ചിത്രത്തിലെ ഗാനങ്ങള്‍ ഒരുക്കുന്നത്. ആശീര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരും കോണ്‍ഫിഡന്റ് ഗ്രൂപ്പും ചേര്‍ന്നാണ് ചിത്രം നിര്‍മ്മിക്കുന്നത്. മോഹന്‍ ലാലും, പ്രണവും ഒരുമിച്ച് സ്‌ക്രീനില്‍ വരുന്നില്ലെങ്കിലും രണ്ടു തലമുറകളിലെയും പ്രേക്ഷകര്‍ കാത്തിരിക്കുകയാണ് അച്ഛനും മകനും ആദ്യമായി ഒരുമിക്കുന്ന ചിത്രത്തിനായി.
