യഷ് നായകനായി അഭിനയിച്ച് 2018 ഡിസംബര്‍ 21 ന് പുറത്തിറങ്ങിയ ബ്ലോക്ക് ബസ്റ്റര്‍ ചിത്രമാണ് കെ.ജി.എഫ് ചാപ്റ്റര്‍ 1. പ്രശാന്ത് നീലിന്റെ സംവിധാനത്തില്‍ പുറത്തിറങ്ങിയ സിനിമയ്ക്ക് മികച്ച പ്രേക്ഷക സ്വീകാര്യതയാണ് ലഭിച്ചത്. വമ്പന്‍ താരനിര തന്നെ അണിനിരക്കുന്ന ഈ ചിത്രത്തില്‍ ബോളിവുഡ് സൂപ്പര്‍താരം സഞ്ജയ് ദത്തും എത്തുന്നുണ്ട്. അധീരയെന്ന വില്ലന്‍ കഥാപാത്രമായിട്ടാണ് താരം എത്തുന്നത്. നിലവില്‍ സിനിമയുടെ ചിത്രീകരണം നടന്നുകൊണ്ടിരിക്കുകയാണ്. ശ്രീനിഥി ഷെട്ടി തന്നെയാണ് ഇത്തവണയും യഷിന്റെ നായിക. ഒക്ടോബര്‍ 23-നാണ് ചിത്രം ലോകമെമ്പാടുമുള്ള തിയേറ്ററുകളില്‍ റിലീസ് ചെയ്യുന്നത്. ഈ ചിത്രത്തിന്റെ പോസ്റ്ററുകളെല്ലാം സോഷ്യല്‍ മീഡിയയില്‍ വൈറലായിരുന്നു. റോക്കിഭായി ആയുള്ള നടന്റെ തിരിച്ചുവരവിനായി ആവേശത്തോടെയാണ് ആരാധകര്‍ കാത്തിരിക്കുന്നത്. ഈ ചിത്രത്തിലൂടെ യഷിന്റെ താരമൂല്യം വര്‍ദ്ധിച്ചിരുന്നു. 200 കോടിയിലധികം കളക്ഷനായിരുന്നു ആദ്യഭാഗം നേടിയത്. വലിയ ക്യാന്‍വാസില്‍ അണിയിച്ചൊരുക്കുന്ന ചിത്രം ഏറെപ്രതീക്ഷകളോടെയാണ് സിനിമാ പ്രേമികള്‍ കാത്തിരിക്കുന്നത്.
