ലോകത്തു കൊറോണ മരണം ഇരുപതിനായിരം കടന്നു .ലോകമാകെ കൊറോണ ബാധിച്ചവരുടെ എണ്ണം നാലരലക്ഷം കടന്നു.രാജ്യത്താകമാനം പ്രഖ്യാപിച്ച ലോക് ഡൗൺ ഒന്നാം ദിവസം പിന്നിട്ടു .
കേരള സംസ്ഥാനത്തു ഇന്ന് ഒൻപതുപേർക്കു കൊറോണ സ്ഥിതീകരിച്ചു .അതിൽ നാലുപേർ ദുബായിയിൽ നിന്നും രണ്ടു പേര് ഫ്രാൻ‌സിൽ നിന്നും എത്തിയവർ . ആകെ നൂറ്റിപന്ത്രണ്ടു സ്ഥിതീകരണമാണ് സംസ്ഥാനത്തുള്ളത് .പന്ത്രണ്ടു പേർക്ക് രോഗം ഭേദമായി.കാസർകോട് പുതുതായി ഒരു കേസും ഇന്ന് റിപ്പോർട് ചെയ്യാത്തത് ആശ്വാസമായി .കാസർകോട് ജില്ലയിൽ 2470 പേർ നിരീക്ഷണത്തിലാണ്.എറണാകുളത്തു കൊറോണ രോഗികൾ ഇരുപത്.ലോക് ഡൗൺ നിയമം ലംഘിച്ചവർക്കെതിരെ പോലീസ് കടുത്ത നടപടിയിലേക്കാണ്, മൂവായിരത്തിലേറെ പേർക്കെതിരെ നിയമലംഘനത്തിന് കേസെടുത്തു .നിരത്തിലിറങ്ങിയ ആയിരത്തിലേറെ വാഹനങ്ങൾ പിടിച്ചെടുത്തു .അനാവശ്യമായി പുറത്തിറങ്ങിയാൽ കർശന നടപടിയെടുക്കും എന്ന് മുഖ്യമന്ത്രി ഇന്ന് വീണ്ടും ആവർത്തിച്ചു .
