3,999 രൂപയ്ക്ക് എയര്‍ടെല്ലിന്റെ പുതിയ വാര്‍ഷിക പ്ലാന്‍. വര്‍ഷത്തില്‍ 360 ദിവസമാണ് ഈ പ്ലാന്‍ ലഭിക്കുക. ഇതില്‍ 300 ജിബി ഇന്റര്‍നെറ്റ് 4ജി ഡാറ്റ ലഭിക്കും. ഒപ്പം അണ്‍ലിമിറ്റഡ് വോയിസ് കോളും. ദിവസം 100 എസ്എംഎസും ലഭിക്കും. അതേ സമയം 300 ജിബി നെറ്റിന് ഡെയ്‌ലി യൂസിംഗ് ലിമിറ്റ് ഒന്നുമില്ല. അതായത് ഒറ്റ ദിവസത്തില്‍ തന്നെ 300 ജിബി ഉപയോഗിക്കാം. അല്ലെങ്കില്‍ 360 ദിവസം ഒരു ജിബി എന്ന കണക്കിലും ഉപയോഗിക്കാം.
ദീര്‍ഘകാല പ്ലാനുകള്‍ ആഗ്രഹിക്കുന്നവര്‍ക്ക് നല്ലതാണ് ഈ പ്ലാന്‍ എന്നാണ് റിപ്പോര്‍ട്ട്. മാസം 334 രൂപയ്ക്ക് 25ജിബി നെറ്റും, അണ്‍ലിമിറ്റഡ് കോളും, 100 എസ്എംഎസും എന്നതാണ് ഇത് ഒരോമാസമാക്കി എടുത്താല്‍ ലഭിക്കുക. അതായത് ഇപ്പോള്‍ മിക്ക ടെലികോം ഓപ്പറേറ്റര്‍മാരും 28 ദിവസത്തേക്ക് നല്‍കുന്ന പ്ലാനിന് സമാനമായിരിക്കും ഈ ഓഫര്‍.
