കീര്‍ത്തി സുരേഷിനെ കേന്ദ്രകഥാപാത്രമാക്കി നവാഗതാനായ ഈശ്വര്‍ കാര്‍ത്തിക് സംവിധാനം ചെയ്യുന്ന പെന്‍ഗ്വിന്‍ ട്രെയിലര്‍ റിലീസിനെത്തി. തമിഴിന് പുറമെ ചിത്രം ഹിന്ദിയിലും, തെലുങ്കിലും, മലയാളത്തിലും റിലീസ് ചെയ്യുന്നുണ്ട്. ചിത്രത്തിന്റെ മലയാളം ട്രെയിലര്‍ നടന്‍ മോഹന്‍ലാല്‍ റിലീസ് ചെയ്തു.
ചിത്രം നേരിട്ട് ഡിജിറ്റല്‍ പ്ലാറ്റ്‌ഫോമായ ആമസോണ്‍ പ്രൈമില്‍ ആണ് റിലീസ് ചെയ്യുന്നത്. കാര്‍ത്തിക് സുബ്ബരാജ് നിര്‍മ്മിച്ച ചിത്രം സംവിധാനം ചെയ്തിരിക്കുന്നത് ഈശ്വര്‍ കാര്‍ത്തിക് ആണ്. മഹാനടിക്ക് പിന്നാലെ കീര്‍ത്തി സുരേഷ് കേന്ദ്രകഥാപാത്രമായി എത്തുന്ന ചിത്രം കൂടിയാണ് പെന്‍ഗ്വിന്‍. ത്രില്ലര്‍ വിഭാഗത്തില്‍പ്പെടുന്ന ഈ ചിത്രത്തില്‍ ഗര്‍ഭിണിയുടെ വേഷത്തിലാണ് കീര്‍ത്തി എത്തുന്നത്. സന്തോഷ് നാരായണനാണ് സംഗീതം. ഛായാഗ്രഹണം കാര്‍ത്തിക് പളനി, സംവിധായകന്‍ കാര്‍ത്തിക് സുബ്ബരാജിന്റെ ഉടമസ്ഥതയിലുള്ള സ്റ്റോണ്‍ ബഞ്ച് ഫിലിംസ് ആണ് ചിത്രം നിര്‍മ്മിക്കുന്നത്. ജൂണ്‍ 19-നാണ് പെന്‍ഗ്വിന്റെ ആഗോളപ്രീമിയര്‍. ഏഴു സിനിമകള്‍ അടങ്ങിയ അന്തോളജി സിനിമയിലെ മൂന്നാമത്തെ ചിത്രമാണിത്.
