തൃശൂർ മെഡിക്കൽ കോളേജ് ആശുപത്രിയിലെ വനിതാ സെല്ലിൽ ഡ്യുട്ടിയിലുണ്ടായിരുന്ന വനിതാ പോലീസുകാർ യു എ ഇ കോൺസുലേറ്റുവഴിയുള്ള സ്വർണക്കടത്തു കേസിലെ മുഖ്യപ്രതി സ്വപ്ന സുരേഷുമായി അടുത്ത ബന്ധം സ്ഥാപിച്ചോ എന്നത് അന്വേഷിക്കും.അവരുടെ ഫോണുകളിൽ നിന്നും വിളിച്ച കാളുകളും അന്വേഷണപരിധിയിൽ വരും .അച്ചടക്കനടപടികളുടെ ഭാഗമായി സ്വപ്നയുമായി സെൽഫി എടുത്ത വനിതാ പൊലീസുകാരെ ‘പണിഷ്മെന്റ് റോൾ’ പട്ടികയിൽ പെടുത്തിയിട്ടുണ്ട് . തുടരന്വേഷണത്തിന് സി ബ്രാഞ്ച് എസ് പിയെ ആണ് ചുമതലപ്പെടുത്തിയിരിക്കുന്നത് .ആറ് വനിതാ പോലീസുകാർക്കെതിരെയാണ് അന്വേഷണം .
ഒരു കൗതുകത്തിന്റെ പേരിലാണ് സെൽഫി എടുത്തത് എന്നാണു ആരോപണവിധേയരായ വനിതാ പോലീസുകാരുടെ വിശദീകരണം .കടുത്ത വയറു വേദന എന്ന പേരിൽ ആശുപത്രിയിലെത്തിയ സ്വപ്ന എന്നാൽ ആശുപത്രി അധികൃതർ നിർദ്ദേശിച്ച ആഞ്ജിയോഗ്രാം പരിശോധനയ്ക്കു വഴങ്ങിയില്ല .അതോടെ അവരുടെ വയറുവേദന യാഥാർഥമാണോ എന്ന സംശയവും ഉയരുന്നു .
