കള്ളിയൂരിലെ വീട്ടിൽ നിന്നുമാണ് കുപ്രസിദ്ധ യൂട്യൂബർ വിജയ് പി നായർ പിടിയിലായത് .കടുത്ത അശ്ലീലം,അധിക്ഷേപം യൂട്യൂബിലൂടെ നടത്തി എന്ന ആക്ഷേപം ഉന്നയിച്ചു ഡബ്ബിങ് ആർട്ടിസ്റ്റ് ഭാഗ്യലക്ഷ്മിയുടെ നേതൃത്വത്തിൽ വിജയ് പി നായരേ ഗാന്ധാരിയമ്മൻ കോവിലിനു സമീപം ഉള്ള താമസ സ്ഥലത്തു ചെന്ന് കയ്യേറ്റം ചെയ്തിരുന്നു .
സ്ത്രീകൾക്കെതിരെ അപകീർത്തികരമായ വീഡിയോ പ്രചരിപ്പിച്ചു എന്നതിനാണ് ഐ ടി ആക്ട് അനുസരിച്ചു വിജയ് പി നായർക്കെതിരെ ഉള്ള ഒരു കേസ് .ജാമ്യമില്ലാത്ത വകുപ്പുകളാണ് അദ്ദേഹത്തിനെതിരെ ചുമത്തിയിരിക്കുന്നത് .
ഭാഗ്യലക്ഷ്മിയെയും കൂട്ടരെയും കയ്യേറ്റം ചെയ്തു എന്ന ഒരു കേസും വിജയ് പി നായർക്കെതിരെ ഉണ്ട് .
ക്ലിനിക്കൽ സൈക്കോളജിയിൽ തനിക്കു ഡോക്ടറേറ്റ് ഉണ്ടെന്ന വിജയ് പി നായരുടെ അവകാശവാദവും അന്വേഷണ വിഷയമാണ് എന്ന് തമ്പാനൂർ പോലീസ് പറയുന്നു . പ്രാഥമികാന്വേഷണത്തിൽ ആ ഡോക്ടറേറ്റ് വ്യാജമാണെന്നാണ് ലഭ്യമാകുന്ന സൂചനകൾ .
