മുപ്പത് അംഗ പ്രധാന തിരഞ്ഞെടുപ്പ് പ്രചാരകരുടെ പട്ടിക ബി ജെ പി പുറത്തിറക്കിയപ്പോൾ അതിൽ പത്താം സ്ഥാനത്താണ് സിന്ധ്യ .തിരഞ്ഞെടുപ്പ് കമ്മീഷന് ബി ജെ പി നൽകിയ പട്ടിക പുറത്തിറങ്ങിയ ഉടനെ കോൺഗ്രസ് സിന്ധ്യയെ പരിഹസിച്ചു രംഗത്തുവന്നു. രണ്ടായിരത്തി പതിനെട്ടിൽ കോൺഗ്രസിന്റെ സംസ്ഥാന പ്രചാരണ വിഭാഗം തലവനായിരുന്നു ജ്യോതിരാദിത്യ സിന്ധ്യ .ഇപ്പോൾ ബി ജെ പിയിലെ അദ്ദേഹത്തിന്റെ അവസ്ഥനോക്കൂ എന്നായിരുന്നു കോൺഗ്രസ് നേതാവ് നരേന്ദ്ര സലൂജയുടെ പരിഹാസം .സിന്ധ്യയുടെ പ്രസക്തി കുറഞ്ഞു കുറഞ്ഞു വരികയാണ് എന്നും അദ്ദേഹം അവകാശപ്പെട്ടു .
എന്നാൽ തിരഞ്ഞെടുപ്പ് കമ്മീഷന് ഒരു പട്ടിക കൊടുത്തു എന്നതിൽ മുൻഗണനാ ക്രമമൊന്നുമില്ല എന്ന് ബി ജെ പി തിരിച്ചടിച്ചു . മധ്യപ്രദേശ് മുഖ്യമന്ത്രി ശിവരാജ് സിംഗ് ചൗഹാൻ,ഉമാഭാരതി ,നരേന്ദ്ര സിംഗ് തോമർ എന്നിവരാണ് ബി ജെ പിയുടെ പ്രധാന പ്രചാരകർ .
