ലാഗോസ്: നൈജീരിയയിലെ ലാഗോസില്‍ മുസ്ലീം പള്ളിയില്‍ ചാവേര്‍ സ്‌ഫോടനം. ഒരു യുവചാവേര്‍ നടത്തിയ സ്‌ഫോടനത്തില്‍ 50 പേരോളം കൊല്ലപ്പെട്ടതായാണ് കണക്ക്.
അദമാവ പ്രവിശ്യയിലെ മുബിയില്‍ മുസ്ലീം പള്ളിയില്‍പുലര്‍ച്ചെ അഞ്ച് മണിയോടെയായിരുന്നു സ്‌ഫോടനം നടന്നത്. പ്രഭാത പ്രാര്‍ത്ഥനയ്ക്കായെത്തിയ വിശ്വാസികളാണ് സ്‌ഫോടനത്തിനിരയായവരില്‍ കൂടുതലും.
പലരും പല ആശുപത്രികളിലായി ചികിത്സയില്‍ കഴിയുന്നതിനാല്‍ പരിക്കേറ്റവരുടെ വിവരങ്ങള്‍ പൂര്‍ണ്ണമായും ലഭ്യമാകാന്‍ ഇതുവരെ കഴിഞ്ഞിട്ടില്ലെന്ന് നൈജീരിയന്‍ പോലീസ് അറിയിച്ചതായി പിറ്റിഐ റിപ്പോര്‍ട്ട് ചെയ്തു.
മരണസംഖ്യ ഇനിയും വര്‍ധിച്ചേക്കുമെന്നാണ് സൂചന. സ്‌ഫോടനത്തിന്റെ ഉത്തരവാദിത്തം ഇതുവരെ ആരും ഏറ്റെടുത്തിട്ടില്ലെങ്കിലും ആക്രമണത്തിന് പിന്നില്‍ ഭീകരസംഘടനയായ ബൊക്കോ ഹറാമാണെന്ന് പോലീസ് സംശയിക്കുന്നു.
