ന്യൂഡല്‍ഹി: ബോളിവുഡ് താരം ശശി കപൂര്‍ അന്തരിച്ച വാര്‍ത്ത പുറത്തെത്തിയത് മുതല്‍ ശശി തരൂര്‍ എംപിയുടെ ഓഫീസ് ഫോണില്‍ വിളികളാണ്. വിളിക്കുന്നവര്‍ക്കൊക്കെ പറയുന്നത് ഒരേ കാര്യം, പ്രിയനേതാവിന്റെ നിര്യാണത്തില്‍ തങ്ങള്‍ അനുശോചിക്കുന്നു.
ശശി കപൂറിന്റെ വാര്‍ത്ത റിപ്പോര്‍ട്ട് ചെയ്ത ഏതോ ദേശീയ ടെലിവിഷന്‍ ചാനല്‍ റിപ്പോര്‍ട്ട് പേര് തെറ്റിപ്പോയതാണ് ശശി തരൂര്‍ മരിച്ചെന്ന വ്യാജവാര്‍ത്തയിലെത്തിയത്. അപക്വം എന്നാണ് സംഭവത്തെക്കുറിച്ച് എംപി പ്രതികരിച്ചത്. നിരവധി അനുശോചന സന്ദേശങ്ങള്‍ എത്തുന്ന കാര്യം തരൂര്‍ തന്നെയാണ് ട്വീറ്റിലൂടെ പങ്കുവച്ചത്.
