ആലപ്പുഴ:അമ്പലപ്പുഴ കരൂരില്‍ പൊലീസ് വാഹനം അപകടത്തില്‍പ്പെട്ടു മൂന്നുപേര്‍ മരിച്ചു.ഒരാള്‍ക്ക് പരിക്കേറ്റു.പൊലീസുകാര്‍ സഞ്ചരിച്ചിരുന്ന കാറും കണ്ടെയ്‌നര്‍ ലോറിയുമാണ് കൂട്ടിയിടിച്ചാണ് അപകടമുണ്ടായത്.കൊട്ടിയത്തുനിന്നും കാണാതായ ഹസീന എന്ന പെണ്‍കുട്ടിയുമായി തിരികെ വരുമ്പോള്‍ ആലപ്പുഴ-അമ്പലപ്പുഴ ദേശീയ പാതയില്‍ കരൂരില്‍ പുറക്കാട് ഗവ.എല്‍.പി സ്‌കൂളിന് സമീപം വെള്ളിയാഴ്ച പുലര്‍ച്ചെ നാലിനായിരുന്നു അപകടം.ഹസീന (30)കൊട്ടിയം സ്റ്റേഷനിലെ സിപിഒ ശ്രീകല (30)സ്വകാര്യ കാറിന്റെ ഡ്രൈവര്‍ നൗഫല്‍ എന്നിവരാണ് മരിച്ചത്.
ഗുരുതരമായി പരിക്കേറ്റ കൊട്ടിയം സ്റ്റേഷനിലെ പോലീസ് ഓഫീസര്‍ നിസാറിനെ എറണാകുളത്തെ സ്വകാര്യ ആശുപത്രിയില്‍ പ്രവേശിപ്പിച്ചു.
ഹസീനയും ശ്രീകലയും ആശുപത്രിയിലെത്തിയ ശേഷമാണ് മരിച്ചത്.മരിച്ചവരുടെ മൃതദേഹങ്ങള്‍ വണ്ടാനം മെഡിക്കല്‍ കോളേജ് ആശുപത്രിയില്‍ സൂക്ഷിച്ചിരിക്കുന്നു.കാര്‍ ഡ്രൈവര്‍ ഉറങ്ങിപ്പോയതാണ് അപകടകാരണമെന്നാണ് പ്രാഥമിക നിഗമനം.
