തൃശൂര്‍:വാഹനാപകടത്തില്‍ പരിക്കേറ്റ് ചികില്‍സയില്‍ കഴിഞ്ഞ ഗായികയും നര്‍ത്തകിയുമായ മഞ്ജുഷ മോഹന്‍ദാസ് (26) അന്തരിച്ചു.പെരുമ്പാവൂര്‍ വെങ്ങോല വളയന്‍ചിറങ്ങര സ്വദേശിനിയാണ് മഞ്ജുഷ.ജൂലൈ 27-ന് കാലടി താന്നിപ്പുഴയില്‍ വച്ച് മഞ്ജുഷ സഞ്ചരിച്ച സ്‌കൂട്ടറില്‍ മിനിലോറിയിടിച്ചായിരുന്നു അപകടം.അപകടത്തില്‍ ഗുരുതരമായി പരുക്കേറ്റ മഞ്ജുഷ കൊച്ചിയിലെ സ്വകാര്യ ആശുപത്രിയില്‍ ചികില്‍സയിലിരിക്കെയാണ് മരണം സംഭവിച്ചത്.
കാലടി സംസ്‌കൃത സര്‍വകലാശാലയിലെ എംഎ നൃത്തവിദ്യാര്‍ത്ഥിനിയായ മഞ്ജുഷയ്‌ക്കൊപ്പം സ്‌ക്കൂട്ടറില്‍ കൂടെ ഉണ്ടായിരുന്ന സുഹൃത്ത് അഞ്ജനയ്ക്കും പരിക്കേറ്റിരുന്നു.
ഏഷ്യാനെറ്റിലെ ഐഡിയ സ്റ്റാര്‍സിംഗര്‍ റിയാലിറ്റിഷോയിലൂടെയാണ് മഞ്ജുഷ സംഗീതലോകത്ത് ശ്രദ്ധിക്കപ്പെട്ടത്.പ്രിയദര്‍ശന്‍ലാല്‍ ആണ് ഭര്‍ത്താവ്.
