തൊടുപുഴ:ഇടുക്കി കളക്ടറേറ്റിനു സമീപം എസ്പി ഓഫീസിനു മുന്നില്‍ പെട്രോളൊഴിച്ച് ആത്മഹത്യയ്ക്ക് ശ്രമിച്ച യുവതിയെ പോലീസ് അറസ്റ്റു ചെയ്തു. ഇടുക്കി സ്വദേശി സാലിയെയാണ് അറസ്റ്റു ചെയ്തത്.ഇവരെ ആശുപത്രിയില്‍ പ്രവേശിപ്പിച്ചു.
അയല്‍വാസിയുമായുള്ള ഭൂമി തര്‍ക്കത്തിന്റെ പേരില്‍ പല തവണ എസ്പി ഓഫീസില്‍ പരാതി നല്‍കി.എന്നാല്‍ അയല്‍വാസിയുമായി ചേര്‍ന്ന് പോലീസ് തന്നെ കേസില്‍ കുടുക്കാന്‍ ശ്രമിക്കുന്നെന്നാരോപിച്ചാണ് ഇവര്‍ ആത്മഹത്യയ്ക്ക് ശ്രമിച്ചത്.
എന്നാല്‍ രണ്ടുകക്ഷികളുടേയും പരാതി അന്വേഷിച്ചുവരികയാണെന്ന് പോലീസ് പറഞ്ഞു.
