ശ്രീനഗര്‍: കാശ്മീരിലെ പുല്‍വാമയില്‍ രണ്ട് ലഷ്‌കറെ ത്വയ്ബ തീവ്രവാദികളെ സൈന്യം വധിച്ചു. പുല്‍വാമ ജില്ലയിലെ ലിറ്റര്‍ ഗ്രാമത്തില്‍ ശനിയാഴ്ച്ച പുലര്‍ച്ചെയുണ്ടായ ഏറ്റുമുട്ടലിലാണ് തീവ്രവാദികള്‍ കൊല്ലപ്പെട്ടതെന്ന് പോലിസ് അറിയിച്ചു. വസീം ഷാ, ഹാഫിസ് നിസാര്‍ എന്നിവരാണ് കൊല്ലപ്പെട്ട തീവ്രവാദികളെന്ന് തിരിച്ചറിഞ്ഞതായി വാര്‍ത്താ ഏജന്‍സിയായ എ എന്‍ ഐ റിപ്പോര്‍ട്ട് ചെയ്തു.
കൊല്ലപ്പെട്ടവരില്‍ നിന്ന് എ കെ-47, എ കെ-56 തോക്കുകളും ആറ് എ കെ മാഗസിനുകളും കണ്ടെടുത്തിട്ടുണ്ട്. സി ആര്‍ പി എഫും രാഷ്ട്രീയ റൈഫിള്‍സും ജമ്മു കാശ്മീര്‍ പോലിസുമായി ചേര്‍ന്നാണ് ആക്രമണം നടത്തിയത്. ഗ്രാമത്തില്‍ ഒളിച്ചിരുന്ന തീവ്രവാദികള്‍ സൈന്യത്തിനു നേരെ ആദ്യം വെടിയുതിര്‍ക്കുകയായിരുന്നു.
