ചെന്നൈ:തമിഴ്നാട് ഗവര്‍ണര്‍ ബന്‍വാരിലാല്‍ പുരോഹിതിനെ അപകീര്‍ത്തിപ്പെടുത്തുന്ന ലേഖനമെഴുതിയതിയെന്ന പേരില്‍ നക്കീരന്‍ പത്രാധിപര്‍ നക്കീരന്‍ ഗോപാലിനെ അറസ്റ്റ് ചെയ്തു. ചെന്നൈ വിമാനത്താവളത്തില്‍ വച്ച് ചെന്നൈ പൊലീസാണ് ഗോപാലിനെ അറസ്റ്റ് ചെയ്തത്.
2012-ല്‍ തമിഴ്നാട് മുഖ്യമന്ത്രിയായിരുന്ന ജയലളിതയ്ക്കെതിരെ നക്കീരന്‍ പത്രത്തില്‍ ലേഖനം പ്രസിദ്ധീകരിച്ചതുമായി ബന്ധപ്പെട്ടും ഗോപാല്‍ വിവാദത്തില്‍പ്പെട്ടിരുന്നു.കുപ്രസിദ്ധ വനം കൊള്ളക്കാരന്‍ വീരപ്പന്‍ കന്നഡ സൂപ്പര്‍ താരം രാജ് കുമാറിനെ തട്ടിക്കൊണ്ടുപോയപ്പോള്‍ ഇടനിലക്കാരനായി നിന്നാണ് നക്കീരന്‍ ഗോപാല്‍ അക്കാലത്ത് വാര്‍ത്തകളില്‍ നിറഞ്ഞത്.വീരപ്പന്റെ സംഭവ ബഹുലമായ ജീവിതകഥ പുറത്തുകൊണ്ടുവന്നതും നക്കീരന്‍ പോപാലിന്റെ മാധ്യമജീവിതത്തിലെ നാഴികക്കല്ലായി.
