തിരുവനന്തപുരം:സംസ്ഥാനത്ത് ഇന്ന് 20 മിനിറ്റ് വൈദ്യുതി നിയന്ത്രണം ഏര്‍പ്പെടുത്തും.ഒഡീഷ,ആന്ധ്രാ തീരത്ത് ആഞ്ഞടിച്ച തിത്‌ലി ചുഴലിക്കാറ്റില്‍ അന്തര്‍സംസ്ഥാന ലൈനുകള്‍ തകരാറായത് മൂലമാണ് വൈദ്യുതി നിയന്ത്രണം വേണ്ടി വന്നത്. ഇന്ന് വൈകുന്നേരം 6 മണി മുതല്‍ 10 മണി വരെയുള്ള സമയങ്ങളിലായിരിക്കും 20 മിനിട്ട് വൈദ്യുതി നിയന്ത്രണമെന്ന് വൈദ്യുതി വകുപ്പ് അധികൃതര്‍ അറിയിച്ചു.
വിവിധ നിലയങ്ങളില്‍ നിന്നും കേരളത്തിന് ലഭ്യമാക്കേണ്ട വൈദ്യുതിയില്‍ 500 മെഗാവാട്ടിന്റെ കുറവുണ്ടായിട്ടുണ്ട്. ചുഴലിക്കാറ്റില്‍ ഒഡിഷയില്‍ നൂറു കണക്കിന് വൈദ്യുതി പോസ്റ്റുകളാണ് നിലം പതിച്ചത്.ട്രാന്‍സ്‌ഫോര്‍മറുകളും തകരാറിലായിട്ടുണ്ട്.
