തിരുവനന്തപുരം: ദീപാവലി പ്രമാണിച്ച് ഗവര്‍ണര്‍ ശ്രീ ജസ്റ്റിസ് പി സദാശിവം കേരളത്തിലെ ജനങ്ങള്‍ക്കും ലോകമെമ്പാടുമുള്ള മറ്റ് കേരളീയര്‍ക്കും ആശംസകള്‍ നേര്‍ന്നു. ‘ദീപങ്ങളുടെ ഈ സവിശേഷ ഉത്സവം ലോകത്തും നമ്മുടെ ഹൃദയങ്ങളിലും ആഹ്ലാദത്തിന്റെയും ഒരുമയുടെയും സ്‌നേഹത്തിന്റെയും പ്രകാശം ചൊരിയട്ടെ . എല്ലാവര്‍ക്കും സന്തോഷകരവും സുരക്ഷിതവുമായ ദീപാവലി ആശംസിക്കുന്നു’ എന്ന് അദ്ദേഹം സന്ദേശത്തില്‍ പറഞ്ഞു.
രമേശ് ചെന്നിത്തലയുടെ ദീപാവലി ആശംസ
തിരുവനന്തപുരം: പ്രതിപക്ഷ നേതാവ് രമേശ് ചെന്നിത്തല എല്ലാവര്‍ക്കും ഹൃദ്യമായ ദീപാവലി ആശംസകള്‍ നേര്‍ന്നു. പ്രകാശത്തിന്റെ ഉത്സവമായ ദീപാവലി നമ്മുടെ മനസ്സിലും ജീവിതത്തിലും പ്രകാശം പരത്തട്ടെ എന്ന് രമേശ് ചെന്നിത്തല ആശംസിച്ചു.
മുഖ്യമന്ത്രിയുടെ ദീപാവലി ആശംസ
തിരുവനന്തപുരം: കേരളത്തിലും പുറത്തുമുള്ള എല്ലാ മലയാളികള്‍ക്കും മുഖ്യമന്ത്രി പിണറായി വിജയന്‍ ആഹ്ലാദപൂര്‍ണമായ ദീപാവലി ആശംസകള്‍ നേര്‍ന്നു. ജനങ്ങളില്‍ ഐക്യത്തിന്റെയും സാഹോദര്യത്തിന്റെയും നന്മയുടെയും വിജ്ഞാനത്തിന്റെയും വെളിച്ചം പരത്തുന്നതാകട്ടെ ദീപാവലി ആഘോഷം എന്ന് മുഖ്യമന്ത്രി പറഞ്ഞു
