കണ്ണൂര്‍:കണ്ണൂരിലെ പാനൂരില്‍ നിന്ന് കാണാതായ രവിദ്യാര്‍ത്ഥിനികളെ കണ്ടെത്തി.സയന (20), ദൃശ്യ (20) എന്നീ പെണ്‍കുട്ടികളെ മലപ്പുറം താനൂരിലെ ലോഡ്ജില്‍ നിന്നുമാണ് കണ്ടെത്തിയത്.അയല്‍വാസികളും സുഹൃത്തുക്കളുമായ ഇരുവരെയും കഴിഞ്ഞ തിങ്കളാഴ്ച മുതലാണ് കാണാതായത്. മലപ്പുറത്തെ ഒരു ഹോട്ടലില്‍ നിന്ന് ലഭിച്ച സിസിടിവി ദൃശ്യങ്ങളാണ് പെണ്‍കുട്ടികളെ കണ്ടെത്താന്‍ സഹായിച്ചത്.
പാനൂരിലെ സ്വകാര്യ സ്ഥാപനത്തില്‍ ലാബ് ടെക്‌നീഷ്യന്‍ കോഴ്‌സ് വിദ്യാര്‍ത്ഥിനികളായ ഇവര്‍ കഴിഞ്ഞ തിങ്കളാഴ്ച കോളജിലേക്ക് പോയിട്ട് തിരികെയെത്തിയില്ല.തുടര്‍ന്ന് രക്ഷിതാക്കള്‍ പാനൂര്‍ പൊലീസ് സ്റ്റേഷനില്‍ പരാതി നല്‍കുകയായിരുന്നു. കാണാതായശേഷം പെണ്‍കുട്ടികളുടെ മൊബൈല്‍ഫോണുകള്‍ സ്വിച്ച്ഓഫ് ആയത് പോലീസിനെ വലച്ചു.അന്യസംസ്ഥാനങ്ങളിലേക്കും അന്വേഷണം വ്യാപിപ്പിച്ചിരുന്നു.അതിനിടെയാണ് മലപ്പുറത്തെ ഹോട്ടലില്‍ നിന്നും സിസിടിവി ദൃശ്യങ്ങള്‍ ലഭിച്ചത്.ദൃശ്യങ്ങള്‍ കണ്ട വീട്ടുകാര്‍ പെണ്‍കുട്ടികളെ തിരിച്ചറിയുകയായിരുന്നു.
വിദ്യാര്‍ത്ഥിനികള്‍ തമ്മില്‍ മണിക്കൂറുകളോളം ഫോണില്‍ സംസാരിക്കാറുണ്ടായിരുന്നെന്നും ഇരുവരും അസാധാരണമായ അടുപ്പം പുലര്‍ത്തിയിരുന്നെന്നും രക്ഷിതാക്കള്‍ പറയുന്നു.
