‘ആദി’ ക്കുശേഷം പ്രണവ് മോഹന്‍ലാല്‍ നായകനാവുന്ന ‘ഇരുപത്തിയൊന്നാം നൂറ്റാണ്ട്’ എന്ന ചിത്രത്തിന്റെ ഫസ്റ്റ്‌ലുക് പോസ്റ്റര്‍ പുറത്ത്.മോഹന്‍ലാല്‍ ഫേസ്ബുക് പേജിലൂടെയാണ് പോസ്റ്റര്‍ പുറത്തുവിട്ടിരിക്കുന്നത്.
മുളകുപാടം ഫിലിംസിന്റെ ബാനറില്‍ ടോമിച്ചന്‍ മുളകുപാടം നിര്‍മ്മിക്കുന്ന ഇരുപത്തിയൊന്നാം നൂറ്റാണ്ട് അരുണ്‍ ഗോപിയാണ് സംവിധാനം ചെയ്യുന്നത്.തീയതി പുറത്തുവിട്ടിട്ടില്ലെങ്കിലും ചിത്രം ജനുവരിയില്‍ തീയറ്ററുകളിലെത്തുമെന്നാണ് സൂചനകള്‍.
പ്രണവിന്റെ ആദ്യ ചിത്രമായ ‘ആദി’ സൂപ്പര്‍ഹിറ്റായിരുന്നു.അതിസാഹസിക രംഗങ്ങളിലുള്‍പ്പെടെ മികച്ച അഭിനയമാണ് താരപുത്രന്‍ ‘ആദി’യില്‍ കാഴ്ചവെച്ചത്. അതുകൊണ്ട് തന്നെ പ്രണവിന്റെ പുതിയ ചിത്രവും ഏറെ പ്രതീക്ഷയാടെയാണ് പ്രേക്ഷകര്‍ കാത്തിരിക്കുന്നത്.
