സമൂഹമാധ്യമങ്ങളില്‍ വൈറലായി ‘ലൂസിഫര്‍’. പൃഥ്വിരാജ് സംവിധാനം ചെയുന്ന മോഹന്‍ലാല്‍ ചിത്രമായ ലൂസിഫറിന്റെ ടീസര്‍ മമ്മൂട്ടി ഫേസ്ബുക്ക് പേജിലൂടെയാണ് പങ്കുവെച്ചത്.ആരാധകരെ ത്രില്ലടിപ്പിച്ചുകൊണ്ട് ഖദര്‍ ധാരിയായി പോലീസിനു മുന്നിലേക്കു നടന്നടുക്കുന്ന മോഹന്‍ലാലിനെയാണ് ടീസറില്‍ കാണാനാവുക.പൊളിറ്റിക്കല്‍ ത്രില്ലറായ ലൂസിഫറില്‍ സ്റ്റീഫന്‍ നെടുമ്പുള്ളി എന്ന രാഷ്ട്രീയ നേതാവായാണ് മോഹന്‍ലാല്‍ എത്തുന്നത്.
മഞ്ജു വാരിയര്‍ നായികയാകുന്ന ചിത്രത്തില്‍ ബോളിവുഡ് നടന്‍ വിവേക് ഒബ്‌റോയ് വില്ലന്‍ വേഷത്തിലെത്തുന്നു. ടോവിനോ തോമസ്,ഇന്ദ്രജിത് സുകുമാരന്‍ എന്നിവരും ചിത്രത്തിലുണ്ട്.
ആശിര്‍വാദ് പ്രൊഡക്ഷന്‍സിന്റെ ബാനറില്‍ ആന്റണി പെരുമ്പാവൂര്‍ നിര്‍മ്മിക്കുന്ന ചിത്രത്തിന്റെ തിരക്കഥ രചിച്ചിരിക്കുന്നത് മുരളീഗോപിയാണ്. അടുത്ത വര്‍ഷം മാര്‍ച്ചിലാണ് ചിത്രം റിലീസ് ചെയ്യുന്നത്.
