മലപ്പുറം:കണ്ണൂരിനു പിന്നാലെ മലപ്പുറത്തും മാവോയിസ്റ്റുകള്‍ വനിതാ മതിലിനെതിരെ പോസ്റ്റര്‍ പതിച്ചു.വനിതാ മതില്‍ വര്‍ഗീയ മതിലാണെന്ന് പോസ്റ്ററില്‍ എഴുതിയിട്ടുണ്ട്.വഴിക്കടവിനു സമീപം മഞ്ചക്കോടാണ് പോസ്റ്റര്‍ പതിച്ചിരിക്കുന്നത്.ശബരിമല ദര്‍ശനത്തിന് എത്തുന്ന സ്ത്രീകള്‍ക്ക് സംരക്ഷണം നല്‍കുകയായിരുന്നു സര്‍ക്കാര്‍ ചെയ്യേണ്ടിയിരുന്നതെന്നും പോസ്റ്ററില്‍ പറയുന്നു.
ഇന്നലെ കണ്ണൂരിലും സമാനമായ പോസ്റ്റര്‍ പതിക്കലും മാവോയിസ്റ്റുകള്‍ തോക്കേന്തി പ്രകടനവുമുണ്ടായിരുന്നു.പോലീസ് തിരയുന്ന മാവോയിസ്റ്റ് നേതാവ് സി പി മൊയ്തീന്റെ നേതൃത്വത്തിലുള്ള സംഘമാണ് എത്തിയതെന്ന് പോലീസ് പറയുന്നു.സംഘത്തില്‍ സ്ത്രീകളുമുണ്ട്.ഇവര്‍ ലഘുലേഖകളും വിതരണം ചെയ്തിരുന്നു.മാവോയിസ്റ്റുകള്‍ക്കായി വനത്തില്‍ തെരച്ചില്‍ ശക്തമാക്കുമെന്ന് കണ്ണൂര്‍ എസ്പി ജി ശിവവിക്രം അറിയിച്ചു.ഇതിനായി കര്‍ണാടക, തമിഴ്നാട് പൊലീസിന്റെ സഹായം തേടുമെന്നും എസ്പി പറഞ്ഞു.
.
