തമിഴിലെ സൂപ്പര്‍താരം വിക്രമിനെ നായകനാക്കി അജയ് ജ്ഞാനമുത്തു സംവിധാനം ചെയ്യുന്ന കോബ്രയുടെ ഫസ്റ്റ്‌ലുക്ക് പോസ്റ്റര്‍ കണ്ട് അദ്ഭുതപ്പെട്ടിരിക്കുകയാണ് ആരാധകര്‍. വിക്രമിന്റെ ഏഴ് വ്യത്യസ്തമായ ഗെറ്റപ്പുകള്‍ പോസ്റ്ററിലുള്ളത്. വൃദ്ധനായും യുവാവായും വിവിധ രാജ്യത്തെ പൗരനായുമൊക്കെയുള്ള തീര്‍ത്തും വേറിട്ടതും തിരിച്ചറിയാന്‍ ബുദ്ധിമുട്ടുള്ള തരത്തിലുമാണ് താരം ചിത്രത്തില്‍ എത്തുന്നത്. ചിത്രത്തില്‍ വില്ലന്‍ വേഷത്തിലെത്തുന്നത് മുൻ ഇന്ത്യന്‍ ക്രിക്കറ്റ് താരം ഇര്‍ഫാന്‍ പഠാനാണ്. ചിത്രത്തിലെ മറ്റു താരങ്ങള്‍ അരെല്ലാമാണ് എന്ന് പുറത്തുവിട്ടിട്ടില്ല. സംഗീതവിസ്മയം എ.ആര്‍.റഹമാന്‍ സംഗീതമൊരുക്കുന്ന ചിത്രം 2020 മെയ് മാസത്തോടെ തീയറ്ററുകളിലെത്തുമെന്നാണ് റിപ്പോർട്ടുകൾ. കോബ്രയിലൂടെ തന്റെ സുവര്‍ണ്ണകാലഘട്ടം തിരിച്ചുവരുമെന്ന പ്രതീക്ഷയിലാണ് വിക്രം.
