ക്രിസ്റ്റഫര്‍ നോളന്‍ സംവിധാനം ചെയ്യുന്ന പുതിയ ചിത്രമായ ടെനറ്റിന്റെ ട്രെയിലര്‍ പുറത്തിറങ്ങി മിനിറ്റുകള്‍ക്കകം വൈറലായി മാറിയിരിക്കുകയാണ്. മുന്‍പ് ചിത്രത്തിന്റെ ഫസ്റ്റ് ലുക്ക് പോസ്റ്ററുകള്‍ക്കും വന്‍സ്വീകാര്യതയാണ് സോഷ്യല്‍മീഡിയയില്‍ ലഭിച്ചിരുന്നത്. ഏഴ് രാജ്യങ്ങളില്‍ വച്ചാണ് ടെനറ്റ് ചിത്രീകരിച്ചിരിക്കുന്നത്. ഇന്ത്യയില്‍ അടക്കം ഷൂട്ട് ചെയ്ത ടെനറ്റില്‍ ഇന്ത്യന്‍ നടി ഡിംപിള്‍ കപാഡിയയും ഉണ്ട്. ആക്ഷന്‍-ട്രാവലര്‍ വിഭാഗത്തിൽപ്പെട്ട സിനിമയാണെന്നാണ് ട്രയിലറില്‍ നിന്ന് മനസ്സിലാക്കാന്‍ സാധിക്കുന്നത്. ഇന്റര്‍സ്റ്റെല്ലാര്‍, ഡണ്‍കിര്‍ക് എന്നീ സിനിമകളുടെ ക്യാമറാമാന്‍ ഹൊയ്തിവാന്‍ ഹൊയ്‌തെമയാണ് ടെനറ്റിന്റെയും ഛായാഗ്രഹണം നിര്‍വ്വഹിക്കുന്നത്.
ജൂണ്‍ 20ന് ആണ് ചിത്രം റിലീസ് ചെയ്യാന്‍ തീരുമാനിച്ചിരുന്നതെങ്കിലും കൊവിഡ് കാരണം റിലീസ് മാറ്റിവയ്ക്കുകയായിരുന്നു. ക്രിസ്റ്റഫര്‍ നോളന്‍ സംവിധാനം ചെയ്ത മുന്‍സിനിമകളെപ്പോലെ ടെനറ്റും ഒരു സൂപ്പര്‍മൂവി ആയിരിക്കുമെന്നാണ് സൂചനകൾ. എന്നാൽ കോവിഡിന്റെ പശ്ചാത്തലത്തിൽ ചലചിത്രമിറങ്ങുന്നതിന്റെ ആശങ്കയും നർമ്മാതാക്കൾക്കുണ്ട് .
