ബംഗളൂരുവിൽ നിന്നുമുള്ള എൻഫോഴ്‌സ്‌മെന്റ് അന്വേഷണസംഘം ബിനീഷ് കോടിയേരിയുടെ തിരുവനന്തപുരത്തെ വസതിയിൽ എത്തി .പരിശോധന സാമ്പത്തിക വിഷയങ്ങൾ ആസ്പദമാക്കിയാണ് .ബംഗളൂരു മയക്കുമരുന്ന് കേസുമായി ബന്ധപ്പെട്ട സാമ്പത്തിക ഇടപെടലകൾ അന്വേഷിക്കുന്നതിന്റെ ഭാഗമായാണ് എട്ടംഗ അന്വേഷണ സംഘം എത്തിയത് .ആദായനികുതി രേഖകളും ബാങ്ക് ഇടപാടുകളും തമ്മിൽ ഉള്ള വലിയ വ്യത്യാസമാണ് ബിനീഷിനു കുരുക്കായിരിക്കുന്നത്. തിരുവനന്തപുരത്തെ ‘കോടിയേരി’ എന്നുപേരുള്ള വസതിയിലാണ് പരിശോധന പുരോഗമിക്കുന്നത് .ബിനീഷിന്റെ മാത്രമല്ല സുഹൃത്ത് മുഹമ്മദ് അനസ്സിന്റെ കണ്ണൂരിലെ വീട്ടിൽ ഇ ഡി പരിശോധസ്‌ന നടത്തുകയാണ് .
ബിനീഷ് കോടിയേരിയുടെ ബിനാമി എന്ന് ഇ ഡി ആരോപിക്കുന്ന അബ്ദുൽ ലത്തീഫിന്റെ വസതിയും എൻഫോഴ്‌സ്‌മെന്റ് സംഘം പരിശോധിക്കും എന്നാണ് വിവരം . കാർപാലസ് എന്ന ലത്തീഫിന്റെ വിവാദ സ്ഥാപനത്തിൽ റെയിഡ് നടക്കുകയാണ് .
