മുന്‍ ഇന്ത്യന്‍ ക്രിക്കറ്റ്താരം ഹര്‍ഭജന്‍സിംഗ് നായകനാകുന്ന അദ്യചലച്ചിത്രം ഫ്രണ്ട്ഷിപ്പിന്റെ ഫസ്റ്റ്‌ലുക്ക് പോസ്റ്റര്‍ റിലീസ് ചെയ്തിരിക്കുകയാണ്. സിയാന്റോ സ്റ്റുഡിയോയുടെ ബാനറില്‍ ജെ.പി.ആര്‍, സ്റ്റാലിന്‍ എന്നിവര്‍ നിര്‍മ്മിക്കുന്ന ചിത്രം സംവിധാനം ചെയ്യുന്നത് ജോണ്‍പോള്‍ രാജ്, ഷാം സൂര്യയും ചേര്‍ന്നാണ്. തമിഴ് ബിഗ്‌ബോസ് താരം ലോസ്ലിയാ മരിയനേശനാണ് ചിത്രത്തില്‍ നായികായെത്തുന്നത്. ആക്ഷന്‍കിംഗ് അര്‍ജ്ജുനും ഈ ചിത്രത്തില്‍ ഒരു മുഖ്യകഥാപാത്രത്തെ അവതരിപ്പിക്കുന്നുണ്ട്. ദക്ഷിണേന്ത്യന്‍ സിനിമയിലെ മറ്റു ചില താരങ്ങളും മള്‍ട്ടിസ്റ്റാര്‍ ചിത്രമായ ഫ്രണ്ട്ഷിപ്പില്‍ അഭിനയിക്കുന്നുവെന്നാണ് റിപ്പോര്‍ട്ടുകള്‍. തമിഴ്, തെലുങ്ക്, മലയാളം, കന്നഡ, ഹിന്ദി എന്നീ ഭാഷകളിലായാണ് ചിത്രം പ്രദര്‍ശനത്തിനെത്തുന്നത്. സിനിമയില്‍ തന്റെ പുതിയ ഇന്നിങ്‌സിന് തുടക്കമിടാന്‍ പോകുന്ന ഹര്‍ഭജന്‍സിങിന് പിന്തുണയുമായി അദ്ദേഹത്തിന്റെ കുടുംബവും സുഹൃത്തുക്കളുമുണ്ട്.
