പേട്ടയ്ക്ക് ശേഷം കാര്‍ത്തിക് സുബ്ബരാജ് സംവിധാനം ചെയ്യുന്ന ചിത്രമായ ജഗമേ തന്തിരത്തിന്റെ ഫസ്റ്റ് ലുക്ക് പുറത്തിറങ്ങി. തകര്‍പ്പന്‍ ലുക്കിലാണ് പോസ്റ്ററുകളില്‍ ധനുഷും, ജോജുവുമുള്ളത്. ഗ്യാങ്‌സ്റ്റാര്‍ ത്രില്ലറായി ഒരുങ്ങുന്ന സിനിമയില്‍ രണ്ട് ഗെറ്റപ്പുകളിലാണ് ധനുഷ് എത്തുക. പൊറിഞ്ചു മറിയം ജോസ് എന്ന സിനിമയില്‍ ജോജു ബീഡി കത്തിക്കുന്ന ഒരു രംഗമുണ്ട്. അതേ രീതിയിലുള്ളൊരു ചിത്രമാണ് ജോജുവിന്റേതായി പുറത്തിറക്കിയിരിക്കുന്നത്. മറ്റൊന്ന്‌ അന്ത്യ അത്താഴത്തെ അനുസ്മരിപ്പിക്കുന്ന രീതിയിലുള്ളൊരു പോസ്റ്റര്‍ ആണ്. ഗെയിം ഓഫ് ത്രോണ്‍സിലൂടെ ശ്രദ്ധേയനായ ജെയിംസ് കോസ്‌മോയും ചിത്രത്തില്‍ പ്രധാന വേഷത്തില്‍ എത്തുന്നു. ഐശ്വര്യ ലക്ഷ്മിയും, സഞ്ചന നടരാജനുമാണ് ചിത്രത്തിലെ നായികമാര്‍. സന്തോഷ് നാരായണന്‍ സംഗീതമൊരുക്കിയ ചിത്രത്തിന് ശ്രേയസ് കൃഷ്ണ ഛായാഗ്രഹണവും വിവേക് ഹര്‍ഷന്‍ എഡിറ്റിംഗും ചെയ്യുന്നു. മേയ് 1 നാണ് ചിത്രം പുറത്തിറങ്ങുന്നത്. മലയാളി പ്രേക്ഷകരും കാത്തിരിക്കുകയാണ് ജോജുവിന്റെ തമിഴിലെ പ്രകടനം കാണാന്‍.
