മലയാളത്തിന്റെ മെഗസ്റ്റാര്‍ മമ്മൂട്ടിയുടെ പിറന്നാള്‍ ദിനത്തില്‍ റെക്കോര്‍ഡ് ആശംസാപ്രവാഹവുമായി അദ്ദേഹത്തിന്റെ ആരാധകര്‍.സോഷ്യല്‍മീഡിയിലാകമാനം താരത്തിന് ലഭിച്ചിരിക്കുന്ന ആശംസകള്‍ കൊണ്ട് നിറഞ്ഞിരിക്കുകയാണ്. തന്റെ അറുപത്തിയാന്‍പതാമത് പിറന്നാള്‍ ദിനത്തില്‍ മമ്മൂട്ടിക്ക് ലഭിച്ച ആശംസകളെല്ലാം ചേര്‍ന്ന് പുതിയൊരു റെക്കോര്‍ഡ് കൂടി സൃഷ്ടിച്ചിരിക്കുകയാണ്. മമ്മൂട്ടി ഫാന്‍സിനാണ് പുതിയ റെക്കോര്‍ഡിന്റെ ക്രെഡിറ്റ് പോകുന്നത്. ട്വിറ്ററിലെ #Happy Birthday Mammukka എന്ന ഹാഷ്ടാഗ് ഇതിനോടകം ഉപയോഗിച്ചിരിക്കുന്നത് 5 മില്യണ്‍ മുതല്‍ 10 മില്യണ്‍ വരെ പേരോളമാണ്. മമ്മൂട്ടിയുടെ ജന്മദിനത്തോടനുബന്ധിച്ച് മമ്മൂട്ടി ഫാന്‍സ് നടത്തിയ ട്വിറ്റര്‍ ടാഗ് സെലിബ്രേഷന്റെ ഭാഗമായാണ് പുതിയ നേട്ടം സ്വന്തമാക്കാന്‍ മമ്മൂട്ടി ആരാധകര്‍ക്കായത്. മോഹന്‍ലാല്‍ ഫാന്‍സ് 24 മണിക്കൂറില്‍ നേടിയ 4.9 മില്യണ്‍ ട്വീറ്റ്‌സ് എന്ന റെക്കോര്‍ഡ് ആണ് മമ്മൂട്ടി ഫാന്‍സ് കേവലം 14 മണിക്കൂര്‍ കൊണ്ട് മറികടന്നത്. മലയാളത്തിലെ 5 മില്യണ്‍ മുതല്‍ 10 മില്യണ്‍ വരെ ട്വീറ്റ് ചെയ്യപ്പെട്ട ആദ്യത്തെ ടാഗ് എന്ന നേട്ടവും ഇതിനൊപ്പം സ്വന്തമാക്കി.
