രണ്ടു ദിവസത്തെ പ്രചാരണ പരിപാടികളുമായി ഇന്ന് പതിനൊന്നു മണിയോടെ പ്രിയങ്ക ഗാന്ധി കേരളത്തിൽ എത്തും .ആദ്യ പൊതുപരിപാടി കായംകുളത്ത് . ആലപ്പുഴ കൊല്ലം ,തിരുവനന്തപുരം ജില്ലകളിൽ ഇന്നും നാളെ തൃശൂർ ,എറണാകുളം ജില്ലകളിലും ആണ് പ്രിയങ്ക ഇറങ്ങുക . കോൺഗ്രസിന്റെ ഏറ്റവും മൂല്യമുള്ള താരപ്രചാരക എത്തുമ്പോൾ അണികൾ ആവേശത്തിലാണ് .
സ്ഥാനാർത്ഥിക്കൊപ്പം പ്രധാന നിരത്തുകളിൽ റോഡ്‌ഷോയും പ്രിയങ്കയുടെ പ്രചാരണ പരിപാടിയിൽ ഉണ്ട്. പ്രിയങ്കയുടെ സാന്നിധ്യം അണികളിൽ ഊർജ്ജം നിറയ്ക്കുമെന്നാണ് നേതാക്കളുടെ കണക്കുകൂട്ടൽ .തിരഞ്ഞെടുപ്പിന് ഇനി ദിവസങ്ങൾ മാത്രം ശേഷിക്കെ പ്രിയങ്കയുടെ സന്ദർശനം കോൺഗ്രസിന് എത്രത്തോളം ഗുണം ചെയ്യുമെന്ന് വരും ദിവസങ്ങളിൽ അറിയാം .
