തിരുവനന്തപുരം:മദ്യലഹരിയില്‍ പോലീസുകാരന്റെ അഴിഞ്ഞാട്ടം.മംഗലപുരം സ്‌റ്റേഷനിലെ സിവില്‍ പോലീസ് ഓഫീസര്‍ ബൈജു സ്‌റ്റേഷനിലെ തറയില്‍കിടന്നുരുളുന്ന ദൃശ്യങ്ങളാണ് പുറത്തുവന്നത്.ഇന്നലെ രാത്രിയാണ് സംഭവം.മദ്യപിച്ച് അലക്ഷ്യമായി വാഹനമോടിക്കുന്നതു കണ്ട നാട്ടുകാരാണ് ബൈജുവിനെ പിടികൂടി പോലീസിലേല്‍പ്പിച്ചത്.തുടര്‍ന്ന് പോലീസ് സ്‌റ്റേഷനില്‍വച്ച് ബൈജു ബഹളമുണ്ടാക്കുകയും തറയില്‍ കിടന്നുരുളുകയുമായിരുന്നു.
പോലീസ് സഹകരണ സംഘം തെരഞ്ഞെടുപ്പ് ഫലം വന്നതിന് ശേഷം സ്റ്റേഷനിലെത്തിയ ബൈജു പടക്കംപൊട്ടിച്ച് ആഘോഷിച്ചതായും പറയപ്പെടുന്നു. മദ്യപിച്ച് വാഹനം ഓടിച്ചതിനും, മദ്യപിച്ച് സ്റ്റേഷനില് പ്രവേശിച്ചതിനും കേരള പൊലീസ് ആക്ട് പ്രകാരവും ബൈജുവിനെതിരെ കേസെടുത്തിട്ടുണ്ട്.കസ്റ്റഡിലെടുത്തിട്ട് ബൈജുവിനെ ജാമ്യത്തില്‍ വിട്ടു.
