കൊച്ചി:മഹാരാജാസ് കോളേജിലെ എസ്എഫ്‌ഐ പ്രവര്‍ത്തകനായ അഭിമന്യുവിനെ കൊലെപ്പടുത്തിയ കേസില്‍ ഒരാള്‍കൂടി അറസ്റ്റില്‍.കേസിലെ ഏഴാം പ്രതിയും പോപ്പുലര്‍ ഫ്രണ്ടിന്റെ കൊച്ചി ഏരിയ പ്രസിഡന്റുമായ അനസിനെയാണ് ഇന്ന് പൊലീസ് അറസ്റ്റ് ചെയ്തത്.കൊലപാതകത്തിലെ ഗൂഢാലോചനയില്‍ ഇയാള്‍ക്കു പങ്കുണ്ടെന്ന് പൊലീസ് പറയുന്നു.ഇതോടെ കേസില്‍ അറസ്റ്റിലായവരുടെ എണ്ണം ഏഴായി.
ഒന്നാം പ്രതി മുഹമ്മദടക്കമുള്ളവരെ തിരിച്ചറിഞ്ഞെങ്കിലും ഇവര്‍ ഒളിവിലാണ്.ഇവരുടെ ഒളിത്താവളങ്ങളെക്കുറിച്ച് ഇതുവരെ കാര്യമായ വിവരങ്ങളൊന്നും ലഭ്യമായിട്ടില്ല.പ്രതികളുടെ ബാങ്ക് അക്കൗണ്ടുകള്‍ അടക്കം മരവിപ്പിച്ചിരിക്കുകയാണ്.ഇവര്‍ കീഴടങ്ങുമെന്നാണ് പോലീസ് കരുതുന്നത്.
